啱啱放完農曆年假
連個blog都放完農曆假啦
新年都有出兩三日街... 要快啲追返啲blog先
年卅, baba同mami都已經放緊假
見貢好天, 梗係要去跑下啦
於是就去咗錦田放電
奶茶宜家好似一見草地就慣性自動解放
繞場跑幾圈先, 口乾返嚟飲水
宜家奶茶同麥皮都好叻仔... 唔使baba周圍跑先肯郁
只要baba同mami坐一人一邊... 佢哋就會兩邊跑...
咁baba同mami都可以舒舒服服咁帶佢哋放電 
(有個懶mami執相簽名時又打錯日期年份)
點解咁乖?? 因為baba派嘢食囉 
好開心影到兩個肥pat pat
同兩個衝前相
奶茶著橫間tee真係幾醒神
麥皮妹妹著咗條米色裙仔.... 同毛色一樣... XDDDDDD
呢隻羊綁住喺草地門口... 奶茶一入場就wu爆佢
仲有隻羊BB無綁繩周圍食草, 奶茶照吠爆佢
回覆刪除好掛住你地哩. 日日係咁巡, 都冇新update ..
麥皮妹妹勁咗好多呀... 睇下佢ge 跑姿拍得住哥哥喇
[版主回覆02/09/2011 17:40:00]麥皮: 多謝ee... 我唔知呀, 成日見哥哥跑去baba mami度都有嘢食... 咪死都跟住囉~ 咁可以食埋一份嘛~
回覆刪除奶茶仔仔犀利wor ..勁開心啦.連條俐仔都fing 埋一邊
[版主回覆02/09/2011 17:41:00]奶茶: 有得跑跑就好開心... baba見到我啲fing脷相都笑到收唔到聲... 我都唔明...
回覆刪除奶茶係米新年前媽媽幫你剪過毛毛呢 ? 個樣好cute 仔wor .. ee 鍾意..
[版主回覆02/09/2011 17:42:00]嗰日幫奶茶剪咗一個下晝... 其實初初剪完覺得耳仔好短好睇唔慣.... 不過宜家望耐咗都覺得唔錯
回覆刪除好甜美ge 笑容.. 錫啖先
[版主回覆02/10/2011 09:10:00]麥皮: 錫返EE先
最鐘意睇小朋友跑 GE相，好開心!
回覆刪除[版主回覆02/10/2011 09:11:00]見佢地好開心咁盡情跑就櫈佢哋開心
真係跑得好開心，奶茶件衫真係好型 乖乖冇去過錦田架，附近有冇嘢食架？等我哋都去下玩先
回覆刪除[版主回覆02/10/2011 10:27:00]多謝
呢度係錦田鄉村俱樂部, 可以燒埋嘢食... 不過我哋通常去齋跑... 之後落元朗食
想請問如果叫佢地,佢地識唔識返嚟架?!因為我怕我嗰2隻仲細(1歲)唔識應我,所以到依家都唔敢帶佢去彭福公園呀
回覆刪除[版主回覆02/10/2011 11:10:00]佢哋細個時我已經喺屋企周不時會嗌佢哋... 佢哋應我行埋嚟有獎... 跟住出到去都係... 其實平時好似咁去錦田跑, 我同baba都有拎住啲零食, 嗌佢哋, 佢哋跑過嚟就有獎.... 獎多啲... 佢哋就回應得快架啦