大年初四, 奶茶麥皮momo幾個鄉下仔女
又車又船咁去咗南y島行
星期日又新年好多人呢
遇到好多全家一齊行山
有位小朋友仲對住奶茶近距離吹肥皂泡泡, 急到我大喝咗一聲
不過途中遇到好多大大小小嘅狗朋友... 都好斯文呢
係奶茶一個細膽到死係又wu唔係又wu
我哋喺榕樹灣碼頭起行, 到索罟灣走
全程行咗三個鐘咗右... 其實今次都幾辛苦, 因為多斜路...
一見斜路, 麥皮就最c服啦~ 又有得抱抱啦
回程船時特別大浪, 浪到好似快艇咁... 嚇到麥皮忍唔住吠呢
奶茶麥皮搭渡輪都要買飛, 不過就唔使入袋同戴口罩
好多人排隊買雞蛋仔 (不過我哋無買嘢)
人呀人呀人呀人呀
呢兩隻熊bear bear都幾像真... 
發電站呀~ 好大個風車咁... 因鏡頭問題, 好難影晒全相
洪聖爺灣附近有兩間bbq場...
過咗洪爺灣又上山啦
到啦到啦
呢度有個好黑嘅窿
我都打下雀先 
回程船時睇到日落添呀
去程船時, 奶茶仔有啲吽哣呢
到發電站梗係影返張要到此一遊啦
合照時間, 你哋三個八字應該唔夾 
Momo真係好上鏡, 一嗌"goodboy"就即刻望過嚟.... 不過無餅餅賞... kakaka
麥皮真係好怕曬, 一曬就連條脷都收埋... 瞇晒眼
奶茶仔一曬就會唔見咗對眼... 但仲見到條脷
同mami影合照時已經晒到俾晒面色我睇 
回覆刪除越睇越鍾意奶茶哩個妝... 好靚仔
[版主回覆02/11/2011 12:26:00]奶茶: 多謝ee讚賞...其實我本質一個靚仔嚟嘅, mami點剪都掩蓋唔到我嘅氣質
回覆刪除麥皮 : 媽媽唔該下次幫我帶個黑超啦...
[版主回覆02/11/2011 12:27:00]下次幫你搽防曬啦
<有位小朋友仲對住奶茶近距離吹肥皂泡泡, 急到我大喝咗一聲> ~~比著我小佢啦.. d 肥皂泡"那" 眼咖.... 真唔明依家好多人都唔知點教細路, 好似對上1 次行山, d 細路揸住d 長樹枝係咁好大力篤個地. 仲係跟到實BeBe, 你知啦, Ah Be 已經超細膽, 嚇到佢死, 唔肯行..
回覆刪除[版主回覆02/11/2011 12:33:00]其實嗰日我大喝完之後, 小妹妹當聽唔到咁, 個阿媽聽到都無鬧佢個女... 只係催佢行快啲... 好彩啲泡吹唔到奶茶度...
之後都再遇到, 奶茶麥皮過咗個小妹妹之後, 佢起腳好似作勢跟咗佢哋咁...
其實我喺街見過有大人會教啲小朋友唔好嚇小狗... 但仲有啲細路係無家教咗啲
你剪得佢地幾靚喎
回覆刪除[版主回覆02/11/2011 22:46:00]其實都係咁啱撞手神啫~ 唔係次次都咁靚
哇~換轉係比比仔,我諗個細路應該俾比比個樣同身形嚇親先(比比個樣同身形都嚇得下~XD)
回覆刪除好彩奶茶矛事ja~!!!!^^
[版主回覆02/12/2011 10:49:00]我估個小朋友唔鍾意狗... 如果見到比比唔會敢行埋啲~ 係奶茶同麥皮細隻啲佢哋先唔驚... 覺得可以蝦~
南丫島都幾好行...行完仲可以坐吓食吓野...唔錯!!
回覆刪除[版主回覆02/12/2011 10:51:00]係呀~ 不過喺索罟灣落船行去榕樹灣好啲... 索罟灣得啲海鮮酒家... baba話呢度先係劏得勁嘅海鮮酒家
榕樹灣嗰邊有啲餐廳可以食下
有好家長自己驚狗，一見狗就好大反應，誤導晒，搞到d細路以為狗係衰野，應該從大人開始教起。
回覆刪除[版主回覆02/12/2011 20:02:00]有好多人都覺得狗狗污糟多菌, 唔想小朋友掂... 咪會嚇佢哋
回覆刪除依張合照好好笑, 各有各pose..
我初五都同史史第一次去左南丫島呀...
[版主回覆02/12/2011 20:03:00]最叻仔咪奶茶仔囉~ 識望住鏡頭...
南丫島都幾好... 可以行下山... 初五應該無咁多人會好行啲
回覆刪除奶茶好似行到索晒氣咁，而麥皮好似好嬲咁!
[版主回覆02/13/2011 01:38:00]麥皮好怕曬... 一曬就燶晒口面