見到小mi同shiro mami整嘅餅餅唔太難整
於是有樣學樣又去整下餅餅
但發現以前整蛋糕用嘅用具... 除咗個爐之外... 其他都唔見晒...
於是又要去買一堆架生 
baba OS: 希望你唔好再三分鐘熱度啦 
其實呢次啲相係第二次整嘅餅餅... 因為第一次啲餅餅樣衰得滯
而且聽日約咗番茄fergie去反... 於是整咗兩款送俾啲小朋友啦
今次買咗個新磅... 希望呢個襟用啲啦, 另外仲買咗紅豆... baba 話想我整紅豆
第一款係蘋果肉桂餅餅... 用骨骨型真係好可愛呢...不過好似唔夠濕... 所以焗完有啲裂咗
第二款係綠茶燕麥麥餅... 今次再焗耐啲... 乾身啲可以襟咬啲
等緊焗爐時, 麻煩我哋嘅試食大使試返第一次整嘅醜樣餅餅先
奶茶麥皮: 我哋sit好啦~ 快啲俾我哋啦
麥皮: 有得食, 我先唔計較靚唔靚呢
奶茶: 到我啦到我啦~
奶茶: 仲有無多啲呀
麥皮: 我仲有好多位可以食架喎
整嘢食俾小朋友最大滿足感係... 佢哋從來都會嫌棄... 用充滿渴求嘅眼神等你再俾多啲佢 
參考資料如下
蘋果肉桂 (我用低筋麵粉代替全麥粉)
http://hk.myblog.yahoo.com/kurumi-christy/article?mid=5448
綠茶燕麥 (我用全麥麵粉代替低筋麵粉)
http://hk.myblog.yahoo.com/homemade-dogfood/article?mid=13050
好勁呀有HM小食，羨慕ING…
回覆刪除[版主回覆03/28/2011 09:06:00]唔使羨慕~ 間唔中茶包都好似會煎下扒架喎
仲有個契媽經常提供美食~ 我先羨慕呢
可唔可以公開食譜呀，益吓毛之家都好吖!
回覆刪除[版主回覆03/28/2011 09:04:00]蘋果肉桂 (我用低筋麵粉代替全麥粉)
http://hk.myblog.yahoo.com/kurumi-christy/article?mid=5448
綠茶燕麥 (我用全麥麵粉代替低筋麵粉)
http://hk.myblog.yahoo.com/homemade-dogfood/article?mid=13050
妹妹試食緊奶茶好有耐性等, 又唔搶, 好乖啊..抵錫
回覆刪除[版主回覆03/28/2011 09:06:00]奶茶: 其實我好乖仔架 可唔可以嗌mami俾多兩塊我食
我都好想自己試吓整...不過我又係驚買哂大堆野返嚟..得三分鐘熱度囉...hehe
回覆刪除[版主回覆03/28/2011 11:05:00]矛錯~ 我之前整蛋糕就係咁... 結果搬屋時掉咗一大堆唔用嘅嘢... 宜家又要再買過
奶茶麥皮你地就好啦,有得食媽媽自己整既餅
回覆刪除我都想整下比奶昔同芝麻食啊
[版主回覆03/28/2011 13:52:00]試下啦試下啦~ 奶昔一定勁鍾意
咁紅豆用黎整咩呀﹗ 整俾小朋友係最好架﹗因為佢地唔理靚唔靚，照單全收，仲會笑笑口望住你同你講多謝﹗
回覆刪除[版主回覆03/28/2011 13:51:00]其實我諗住好似餅乾咁... 落少少落去~ 不過俾我搵到個譜係整紅豆嘅
http://hk.myblog.yahoo.com/homemade-dogfood/article?mid=12908
所以整嘢食俾小朋友真係好有滿足感
認同認同, 狗狗係唔會計較d野食靚唔靚, 總之有得食就最happy!! 所以只有阿福先有"福份"食我細家姐親手煮既野食
回覆刪除[版主回覆03/28/2011 16:02:00]咁都因為細家姐真係好錫福福呢
綠茶燕麥麥餅好似好好味，個賣相仲好靚！ 麥皮個食相好可愛呀！
回覆刪除[版主回覆03/28/2011 16:08:00]我焗到硬身啲仲有潔齒功能呢~
麥皮: 多謝讚賞 我個為食樣嚟之嘛
嘻, 我地都唔介意餅餅靚唔靚架
回覆刪除媽咪話第時新屋裝修好, 都會整餅餅比我地食, 等我地食自家野健康d ^^ 你地的食譜到時可以借比我媽咪了
[版主回覆03/28/2011 16:09:00]咁你哋要再等下~ 好快你媽咪就會整餅餅你哋食咯
D餅餅睇得又食得喎 ！奶茶&麥皮有口福呢！
回覆刪除[版主回覆03/29/2011 09:15:00]多謝讚賞~
哈哈~ 個個媽媽近排都做亞茂
回覆刪除等我都真係搵日又開爐先
[版主回覆03/29/2011 09:16:00]個個爭住做 快啲開啦~ 等pe2都有口福嘛~
D餅餅食哂喇，兩個勁鍾意食。下次整多少少唔該，哈哈哈
回覆刪除[版主回覆03/31/2011 12:31:00]我都覺得少咗啲~ 下次要整多幾底先夠 不過今次當小試牛刀 最緊要小朋友鍾意食
圓咕碌: 我最愛呢兩款餅餅嘅味道 , 我媽媽無 ee 咁叻識整餅餅 , 所以佢响出面買比我食呢~!!
回覆刪除[版主回覆04/01/2011 01:11:00]其實唔難整架~