成日見到啲BLOG友去圓墩行... 已經好想去一次
終於俾我等到baba肯陪我去行啦~
我哋下晝一點出發
過咗閘位之後... 經多次情商, 終於得到baba同意放繩行
真係要多謝咁多位blog友... 因為我係話見你哋咁行都無問題咋 
其實之前行幾次山都唔放繩, 因為擔心有野狗... 奶茶仔第一時間衝去八就麻煩
今次算係正式第一次放繩行山
我最放心就係麥皮... 係奶茶有時係要行先或者行上石駁 
不過大致上都好乖呢 
我以為圓墩民營可以入去跑嘅添
點知去到先見到佢有個唔歡迎我哋嘅牌
一開始係想行去大欖... 但睇路牌仲要兩個鐘先到嘅關係..
baba覺得下次早啲先去大欖水壩~
所以我哋就行返回頭喺返青龍頭走lu
全程行咗三個幾鐘就完 
我覺得呢間屋好靚... 有個廳係玻璃圍住
乜都俾人睇晒呢
仲有個好大個嘅魚池...
上山lu~
無得去民營... 咪諗住入去生態園影相~ 點知baba喺水池度見到五蚊銀咁大嘅蜘蛛
嚇得我走夾唔抖 ~ hahaha~
到此一遊~
麥皮跟埋哥哥行石駁... 俾我哋一嗌就即刻跳返落嚟
奶茶無停過呢~ 諗住喺涼亭度休息下俾佢哋抖下
但都係咁跑嚟跑去
奶茶: 呢度又大又乾淨~ 我要再嚟玩呢 
奶茶一定玩得好盡興喇！
回覆刪除[版主回覆03/11/2011 16:17:00]係~ 因為我哋近排好忙, 少咗落街~ 有得去玩不知幾開心
好似都幾好行喎﹗會唔會有車經過架﹖
回覆刪除[版主回覆03/11/2011 16:20:00]我都係見你啲朋友仔e.g. 小火車,乖乖,大奶茶, L&T去... 我先去咋
其實會有車... 但好疏先會有一架... 郊遊徑起點係有個閘~有更亭睇住
回覆刪除睇呢張相 .. 就知佢地好like行山
[版主回覆03/11/2011 16:21:00]佢哋真係好開心~ 有得放繩又有得反~
哩度真係好好行咖, 又乾淨. 第日等bebe 好返我地會再行哩
回覆刪除[版主回覆03/11/2011 18:01:00]我哋都會再行~ 不過係驚熱同落雨
BEBE好快好返架啦~ 到時一齊行
回覆刪除麥皮妹妹你伸手好敏捷呀
[版主回覆03/11/2011 18:03:00]佢經常性前肢重過後肢 唔知點解成日見佢落樓梯都覺得佢個pat pat輕飄飄
回覆刪除奶茶仔仔係d 毛毛ge 錯覺, 定係你肥咗少少哩
[版主回覆03/11/2011 18:02:00]係啲毛毛~ 等月尾先再剷~ 肥多一個月先啦
睇到啲相見奶茶麥皮都巧楷鮮！爸爸媽媽應該帶佢地行多啲山呀！
回覆刪除[版主回覆03/12/2011 01:00:00]要行多啲啦~ 佢哋行得好開心~
不過就嚟又熱... 行山嘅季節就過
阿福話, 我都好想行山AH!!!!!!!
回覆刪除[版主回覆03/12/2011 01:01:00]行啦行啦~ 帶福福行多啲
我想問問... 佢地幾重? 見你一手領得起一隻 o.O
回覆刪除[版主回覆03/12/2011 01:02:00]奶茶4kg多啲, 麥皮2kg多啲~ 加埋十零磅度~
我好鍾意一手抱一隻~~ 佢哋都已經慣晒
Le度真係幾好行架 下次再嚟深井通知聲睇下又冇機會同細奶茶&麥皮玩下吖
回覆刪除[版主回覆03/14/2011 11:54:00]好吖好吖~ 下次預早話你知
圓墩真係好好行，下次再行入D，重正呀！
回覆刪除[版主回覆03/22/2011 12:55:00]哎吔... 瀨底咗你呢個留言添~
其實我都想行入啲架~ 不過我哋太晏出發