奶茶: 話咁快又要剪毛啦~ mami話今次要剪短啲喎~ 幫我剷3mm
等我唔使咁厚毛咁鬼死熱喎~ 
計我話最好可以俾兩個冰袋我袋住出街~ 咁一定唔使熱死 
Mami又要學人影美容前後相啦~ 咁當然靚仔嘅我梗係要chok下樣啦 
其實我都唔係好長毛之嘛~ 係腫咗少少咁啫~ 但mami話佢已經忍唔到
都唔知啲毛係佢定我嘅 
話咁快就過咗幾個鐘~ 企咗咁耐嘅我梗係矛晒心機啦~ 依然chok樣
不過短咗真係爽啲喎~ 唔使成日喺屋企都伸晒脷喘晒氣咁
仲有仲有~~ 我係咪好瘦下呢 
麥皮: 哥哥剪完就到我啦~ 一知要剪毛梗係矛心機啦
Mami話哥哥上一次剷毛係一個月前, 而我係兩個月前~ 當然我會肥嘟嘟啲啦 
佢話我十足十一張地氈咁喎
因為我啲毛軟身啲, 好易先到肉, 所以mami話我剷6mm
我比哥哥合作~ 
所以話咁快就搞掂晒啦
其實我一啲都唔肥囉~ 不知幾鬼fit 
宜家無咁似地氈啦呱 
嘩，真係愈剪愈好啦，對腳仔好圓筒。
回覆刪除麥皮，唔該借歪，你阻住開枱呀!
[版主回覆06/13/2011 09:33:00]多謝讚賞 其實我覺得剪腳易過剪頭
麥皮: 我咁樣趴喺度~ mami咪剪唔到我囉
回覆刪除剪毛前
剪毛後
麥皮呀EE 就黎比你笑屎
[版主回覆06/13/2011 10:05:00]麥皮: EE 笑狗哋嘅~ 趴喺度咪唔使剪囉
回覆刪除奶茶: 媽咪唔子剪得唔得呀
[版主回覆06/13/2011 10:06:00]你貢嘅樣都求唔到情架啦
麥皮你好靚女呀！係的確一d都唔肥！
回覆刪除[版主回覆06/13/2011 11:48:00]麥皮: 多謝多謝 Mami見到你咁講, 一定會俾多啲零食我啦
麥皮矛心機個樣 .. 好好笑 ..
回覆刪除不過一剪完 .. 又成個開心晒, 因為知道又剪返靚靚樣呢
[版主回覆06/13/2011 14:16:00]麥皮: 其實我剪毛前都係笑騎騎架~ mami無揀嗰啲相之嘛 我好鍾意笑架~ 係又笑唔係又笑嘅
麥皮好enjoy剪毛喎...睇佢笑得咁開心!!
回覆刪除[版主回覆06/13/2011 14:17:00]麥皮: 我enjoy mami影完相剪毛有餅餅獎多啲
回覆刪除麥皮你係咪好中意剪毛毛啊 剪完之後笑得咁開心
咁又係既剪完之後咁令女係會笑得開心d家啦
但係奶茶點解你吾笑家 媽媽幫你剪得咁令令
[版主回覆06/14/2011 11:17:00]麥皮: 影完相相有餅餅食架~ 諗到都開心
奶茶: MAMI話我唔合作... 結果次次都剪得好耐喎
夏天真係要剪得短D，D毛一長睇見佢哋都辛苦，好彩你有一對巧手，想幾時剪，點剪都得。
回覆刪除學過果然唔同，的確值得投資
[版主回覆06/15/2011 00:49:00]咁又唔敢講係巧手~
不過敢剪的確方便好多~ 睇唔順眼時就拎起較剪剪兩刀~ 睇返佢哋細個啲相真係覺得自己都好懶... 搞到好長先帶佢哋去剪毛~
白色係易見肉d，shiro都係剷6mm就夠，再剷短d就好似無晒毛咁。
回覆刪除[版主回覆06/15/2011 10:06:00]我都好怕剷到見到粉紅色肉~ 成隻豬仔咁 所以麥皮6mm 已經係極限~ 反而奶茶啲毛硬啲廷啲~ 就可以3mm
啲腳仔剪到好似公仔咁！好CUTE呀！
回覆刪除[版主回覆06/15/2011 11:30:00] 多謝~~~其實我都好鍾意佢哋留桶腳
圓咕碌: 點解兩個個頭仔好似無剪到?? 啲手腳同個身剪得唔錯呢~!!
回覆刪除[版主回覆06/17/2011 09:20:00]多謝 其實兩個頭我都剪細咗, 但因為我都鍾意呢個型多啲~ 咪唔覺剪咗
嘩, 你媽咪真係醒, 乜剪得你地咁鬼靚架....佩帶佩服.
回覆刪除[版主回覆06/20/2011 10:54:00]多謝
麥皮同奶茶刀好QQ呀~
回覆刪除[版主回覆06/20/2011 10:54:00]多謝讚賞
麥皮，剪得好靚呀，但你做咩扁咀仔呀??
回覆刪除[版主回覆06/20/2011 10:55:00]麥皮: 因為mami影相影好耐~
麥皮, 係呢d係咪叫做 "本pair" 呀....
回覆刪除[版主回覆06/20/2011 14:25:00]麥皮: 咁咪剪唔到囉