奶茶&麥皮 ,
早排見返阿b之後, 突然好掛住你哋bb時嘅樣
於是搵返你哋頭一個月嚟屋企時嘅相出嚟
唔經唔覺, 你哋已經嚟咗呢個屋企兩年半&兩年
喺你哋細時, 好想你快啲大, 快啲定
到宜家, 你哋聽話咗, 定性咗,
又唔想時間過得咁快...
多謝你哋, 令我對影相產生興趣, 雖然未至於會影除你哋以外嘅相 
多謝你哋, 令我對寵物美容產生興趣, 雖然未至於敢去剪人哋啲狗
多謝你哋, 令我重拾對焗餅嘅興趣, 因為你哋一定會捧我場
多謝你哋, 令我認識咗好多, 原本各不相干的狗友/網友
多謝你哋, 令我對行山產生興趣
多謝你哋, 令我對陽光與海灘產生興趣
多謝你哋, 令我每晚嘅活動變得充實, 唔再淨係煲劇同煲劇
多謝你哋, 令我唔介意每晚都會有一個鐘頭散步時間
多謝你哋, 令我感覺得要求簡單, 容易滿足, 會活得快樂一點
或者, 我未必俾到最好嘅, 不過, 我真係好愛好愛好愛你哋架
奶茶第一日嚟到呢個家時嘅模樣
嗰時仲未醒覺其實用閃燈係唔好
bb時真係幾嗲架
其實我成日都覺得麥皮個樣無變過
細細個反而覺得佢好豪邁, 會奀皮啲
麥皮細個會爬籠, 反而哥哥唔會
麥皮: Hi, 以後你可以嗌我做大家姐, 因為我已經感覺到你會俾我蝦架啦
奶茶細個個樣好鬼得意,佢點嗲法?
回覆刪除[版主回覆07/01/2011 23:20:00]奶茶細個黐身啲~ 鍾意扭抱啲~
其實我諗可能好多人都係咁諗,佢地細過果陣又想佢地快d大過,乖d
回覆刪除但係到左佢地大果陣又吾想佢地大得咁快
同一個訓法,點解差咁遠家 麥皮真係好豪邁
奶昔細過果陣都有爬籠,仲要冇人係到,真係嚇死我啊
[版主回覆07/01/2011 23:22:00]我都相信大多數狗主嘅諗法好相同
爬籠真係危險... 嗰次真係俾佢嚇鬼死
咦~ 麥皮d毛色, 同BB 時 .. 唔同o既
回覆刪除大家姐 ... 比麥皮妹妹你笑屎 EE喇
[版主回覆07/01/2011 23:24:00]麥皮: 其實我宜家都有啲啡色架~ 不過淺色咗好多~
其實我好斯文架~ 唔好誤會我呀
喺你哋細時, 好想你快啲大, 快啲定
回覆刪除到宜家, 你哋聽話咗, 定性咗,
又唔想時間過得咁快...
>>>>>非常同意...我都有這樣的感想!!
在現只有希望牠們身體健康, 開心每一天~
[版主回覆07/04/2011 09:29:00]我相信大家都希望自己嘅寶貝最緊要係健康快樂
麥皮，你細個時咁豪邁，大個咁怕羞既。
回覆刪除[版主回覆07/04/2011 09:30:00]麥皮: mami都話我呃咗佢... 明明佢睇中我因為我夠活潑架嘛
真咖.. 係佢地令我地每日都過得簡單但係好充實
回覆刪除[版主回覆07/04/2011 09:30:00]每日簡單一點, 就可以快樂一點~
佢地bb既時候好可愛呀~ ~佢地真係大得快,,,令我更加知道要愛惜佢地呢!
回覆刪除[版主回覆07/04/2011 09:31:00]多謝~ 講得啱呀~ 因為大得快, 更覺得要珍惜
回覆刪除好可愛呀~
[版主回覆07/04/2011 09:31:00]奶茶: 多謝~
麥皮個樣真係冇乜變，反而奶茶真係唔同哂
回覆刪除[版主回覆07/04/2011 09:32:00]係呀係呀~ 麥皮宜家成日都仲好似bb咁 反而奶茶主打型格路線
我都好有同感! 成日諗起佢每大一歲, 就會距離佢離開我的日子近左, 心情好矛盾呢 另我都好想幫三水仔找番個細佬/妹呀!!
回覆刪除[版主回覆07/04/2011 11:25:00]咁又唔好諗離開~ 因為最緊要嘅係現在~
其實搵細佬妹呢樣真係要諗清楚, 因為如果照顧得唔好... 到頭來會兩個都唔開心~ 所以首要諗咗可唔可以兼顧兩隻小狗先~ 千祈唔好以陪另一隻為大前提呀
圓咕碌 : 奶茶同麥皮BB 樣都咁可愛~!!
回覆刪除[版主回覆07/04/2011 17:55:00]多謝讚賞
奶茶細個俾媽咪抱住真係好嗲呀！麥皮大個咗D毛毛就好似變咗白色咁！靚靚！
回覆刪除[版主回覆07/04/2011 17:56:00]嗰時奶茶就係最嗲嘅時候~ 麥皮真係白咗好多~ 不過都係有啲啡色喺度
回覆刪除最鐘意奶茶呢張，爹到暈
[版主回覆07/04/2011 23:52:00]奶茶bb同宜家真係唔同~ 細時個樣真係嗲死人
哇..2個可愛BB 佢地3個都好鍾意爬籠
回覆刪除[版主回覆07/06/2011 12:21:00]多謝~ 其實係奶茶個籠大好多~ 所以奶茶先無爬過啩
"多謝你哋, 令我感覺得要求簡單, 容易滿足, 會活得快樂一點"
回覆刪除真係講中晒我既心聲呢！
我就咁睇樣，我覺得奶茶細個個樣同而家好似呀，認得出呀
[版主回覆07/06/2011 12:23:00]不過我覺得奶茶細個個樣嗲啲~ 宜家行靚仔路線
mama 話都有同我影左張相,影完好似你呢個樣!!"就係影咩呀影,你試下再影,拆你菲林架...." 話我好惡既衰樣
回覆刪除[版主回覆07/07/2011 12:24:00]奶茶: 我係話"=.=""" 影完未呀, 盞橙好撐眼 =.="""""""
super cuteeeeeeeeeeeeeeeeeeeeeeeeeeeee
回覆刪除[版主回覆07/07/2011 12:24:00]thx a lot
BB真係好得意呀，你都係時候再諗諗佢喇
回覆刪除[版主回覆07/12/2011 16:17:00]BB?!! 唔生啦
再養我都想領養... 所以無bb lu