新朋友 - 毛毛

呢兩日奶皮都見過一個新朋友仔毛毛

毛毛同麥皮差唔多大... 但細個身體唔好... 所以啱啱先出過街三次

奶茶呢個大哥哥梗係帶住人啦

不過毛毛雖然無咩見過啲朋友仔... 但佢都好貪玩

見到奶茶無耐已經追住奶茶要同奶茶玩... 一啲都唔驚奶茶大隻自己咁多

仲企晒起身用兩隻手仔"禁"奶茶個頭

奶茶喺屋企都俾麥皮蝦慣, 所以都嚇佢唔到嘅

不過毛毛好狼死咁咬住奶茶耳仔係咁扯... 卒之扯到奶茶發脾氣

仲要上到我屋企... 因為個籠同佢屋企嘅一樣... 簡直就當咗自己屋企

 

佢係一位鍾意影相嘅小朋友, 但佢唔知我部相機係咩嚟... 我一舉起佢就好驚...

好似面臨大敵咁

奶皮... 你哋咁圍人哋好似唔係咁好喎

走嘅時候, 毛毛媽媽想袋返毛毛.. 但毛毛點都唔想入袋...

自從麥皮整親尾之後就好鍾意匿入去廁所個位...

不過今日郁過佢條尾... 無咩反應... 我哋估計佢應該唔痛架啦