東京大阪之旅Day 1 上

其實應該一早要寫blog架喇...但礙於一返到嚟... 公司有個痴線婆癲咗個幾禮拜... 令到我好唔開心... 所以無心情寫...

哈哈... 因為我去咗日本... 令我原本對日本都無咩特別幻想都愛上咗呢個國家...

7/1 第一日要七點幾集合... 所以六點就要起身搭的士去機場出發喇...

一上到的士就見到呢隻公仔... 好得意... 對我旅程嚟講係一個好開始

但開心到過埋青馬大橋... 我先醒起唔記得帶手套

心入面就諗... 對手咪好凍....

到咗機場搵到阿領隊先生, 俾機票我地check in先... 九個字後再集合出境

但一去到排隊... 就見到好好好好多人排隊... 九個字排完條隊.... 咪食唔到早餐?

排咗半個鐘終於搞掂即刻搵嘢食.... 三個字時間夠俾我地去集合地點附近一間pacific cafe買杯咖啡同一個包... 鯨吞完就即去集合...

話咁快就做好晒啲手續上埋機.... 去程我地會直飛大阪.... 三個鐘頭機啫.... 睇咗套智能叛變加小半套無恐不入... 就落機喇...

喺大阪呢個機場排隊出境時, 有個女仔突然暈低... 聽到佢朋友講佢原本有病... 再加上前一晚瞓咗兩個鐘咋.... 下次去旅行都係要小心身子

喺大阪機場見到有找換店... 領隊又話無得兌換港幣, 只係收美金... 但呢間佢收港幣架... 不過貴啲咁喇.... JPY100=HKD8.xx

見到第二樣嘢就係呢個香煙售賣機... 嘿嘿... 第一次見到點可以唔買返包試下...

買咗香港未見過呢aqua... 其實真係唔錯架

仲有呢部係電話叉電機, 我記得香港都好似有... 不過好似唔係咁嘅樣...

我地上咗旅遊巴就直出大阪城... 一上車導遊就講起我哋頭先落機嘅大阪機場原來係一個日本政府用咗好多錢起嘅人工島, 所以個機場四面為海, 要經過長長嘅橋先返到大阪本土

我地第一站就係大阪城, 一座座古城令我諗起北京... 不過當日嘅溫度無我想像中咁低

大阪城入面路邊都種咗一棵又一棵嘅松樹 (好似係)...

終於見到大阪城喇....

入到精品店, 見到呢個豆沙餅, 因為佢好大個所以忍唔住影低佢, 但後來先想起, 就咁睇都睇唔出佢有幾大個, 其實呢個豆沙餅大過我手掌

見到好靚嘅奶凍 (我估係), 真係好吸引

佢有好似好靚嘅零食... 但當然導遊都會提醒一句: 靚未必係好味... =.=