哈哈... 寫完四篇就放低咗... 連我自己都覺得過份... 如果佢可以一次過我俾upload晒啲相... 我一日一篇一定會快好多....
之前講到玩完華納影城就去咗第二晚嘅酒店, 安頓好之後導遊就話帶我地去搭無人駕駛嘅單軌列車, 順便行夜街, 不過條夜街全條街都係食嘢嘅舖頭... 所以好快行完... 甚至有團友自己搭車返酒店... 有一家四口仲怪責導遊話... 搭的士平過四個人嘅車飛錢.... 但導遊嘅主旨係帶你地搭下香港無嘅交通工具嘛...
去到唔同地方嘅地跌站... 都會影下的閘口, 地圖, 車飛... 旅客嘛... 要紀念下真係同香港唔同...
日本嘅飲品機好溫馨... 會分熱飲凍飲... (香港好少見到).. 粟米湯同紅豆湯都好飲... 不過紅豆湯要買Asahi 會好飲啲... 粟米湯就Pokka (希望我無記錯牌子 =.= 嘻)
我全個旅程都遺忘咗我兩個良伴... 只係影咗一幅相咋... 另一個連相都無... 我原本諗住同佢哋影好多相留念
無人駕駛列車中有呢個廣告貼... 佢列出咗每一種列車嘅樣...
行夜街嘅收獲就係去咗超市買生果... 因為第一晚已經有買... 日本嘅生果都好好味... 而我記得影相係因為隻蕉好大隻... 得一隻買都要差唔多十蚊港紙.... 佢係我暫時見過最大嘅香蕉
第二晚酒店大好多... 起碼行起路都唔覺逼先...而且ok舒服架
沒有留言:
張貼留言