東京大阪之旅 day 5 中一

如果我再放多一個禮拜先寫埋嗰兩日... 會唔會俾人鬧呢... 因為又寫咗兩個幾鐘喇... 不過就過年... 一過年就即刻寫返...

去完滑雪場, 又後就係去HELLO KITTY LAND, 我會稱呢度為魔教... 因為隻貓令我覺得佢根本就係教主... 而全個場地都係室內, 所以終於可以放低件羽絨, 其實入面無咩野行, 而場館要夾時間先睇到, 但我因為掛住影相, 結果一個場館都無入到, 只係睇咗巡遊, 但就影咗好多相, 如果想睇返啲相可以去相薄 day 5度睇返啲相...

其實入面嘅裝潢都好靚... 但因為係一個比較適合小朋友嘅地方, 所以周圍都好多小朋友, 睇巡遊時, 啲小朋友都叫得好開心... 當然一心嚟到梗係要搵下我心愛嘅PC狗嘅精品喇... 但點知... 得一格仔放佢嘅精品... 香港嘅SANRIO 都比佢多 =.=