一出酒店門外就會清楚見到富士山... 但我哋之後係去天神山嘅滑雪場 (令我諗起天神村)... 由於時間關係, 所以我地無滑到雪, 只係喺滑雪場逗留個零鐘就走喇... 不過嗰個零鐘俾我買到唔少嘢食做手信喎...
嗰面係滑雪場嘅兒童樂園, 入面先會有雪兜玩, 要玩雪兜, 就要帶個小朋友去
見到啲小朋友學滑雪, 好得意
我見到有人用SNOWBOARD滑雪, 好有型... 不過佢個樣令我諗起滑水嗰塊板
之後就坐車離開, 沿途都會見到雪嘅蹤跡, 但全個旅程我都未見過落雪
之後就係去享用午餐, 呢一餐團餐係令我最讚賞, 因為佢個烏冬終於唔係癡埋一舊, 一團粉咁, 之前幾日都有食烏冬但無一日係令我覺得好味... 但呢個烏冬係爽口架... 不過嗰三粒肉丸就凍咗啲
餐廳外對住湖景...
沒有留言:
張貼留言