一去玩影咗好多相就想全部放晒上嚟俾大家睇下
不過每篇只可以用二十張相... 所以要分開嚟寫
尋日終於俾我等到星期六嘅風和日麗
奶皮爸同媽都放假梗係要帶啲小朋友去玩下架啦
所以又可以去游水啦~~~
不過未夠鐘游水之前梗係要去草地跑吓先啦... 不過今次入去全部都係大狗, 一隻金毛,兩隻雪橇, 嚇到奶皮唔敢郁, 要奶皮爸帶住先肯跑... 一跑開咗就開心晒玩到唔肯停
有得去街街, 次次等lift奶茶都好心急, 周圍行
哈哈... 奶茶行行下會望下奶皮媽同麥皮架...
一入到草地就見到呢三隻狗狗歡迎我哋啦.... 好彩啲狗主好有心咁拉住佢哋俾我哋行入去, 而且佢哋一行得埋啲就會嗌佢哋
下面兩張相係唔係好似好驚險呢... 呢隻雪橇見到奶茶就好開心咁撲埋去, 其實我見到佢都唔係好粗魯... 只係佢一行埋去奶茶就自動反肚
而且狗主隨即嗌佢返轉頭... 奶皮爸就呵返奶茶
唔知係唔係因為雪橇一疫... 隻金毛一行埋奶茶身邊, 奶茶就飛奔 
我帶麥皮行時金毛都想過嚟打招呼, 麥皮即刻定咗唔敢郁
奶皮爸一帶住兩個都跟住...
呢度邊度黎架? 好似好好玩咁喎~~
回覆刪除[版主回覆07/27/2009 10:33:00]屯門嘅寵物綠洲... 因為好近我哋屋企
所以我哋行過去就得啦
岩岩個星期日我朋友叫埋我去pet world, 不過我最後都無去到, 我朋友成日帶2隻大狗去個度游水..佢都話好乾淨
回覆刪除[版主回覆07/27/2009 11:51:00]對大狗嚟講... pet world 一定夠玩... 因為大狗個池大好多
不過細狗池就好似差唔多
咁啱我有朋友隻拉布拉多喺綠洲度整親... 連喺邊整親都唔知... 所以我先想去其他地方試下
咁我試左pet world先~~
回覆刪除[版主回覆07/27/2009 12:26:00]如果係叫埋我呀
好呀~~帶相機呀~~ 可能會呢個星期日..如果你得一齊啦~~
回覆刪除[版主回覆07/27/2009 13:29:00]有得玩實帶相機....
不過我都要請示下奶皮爸先...
仲有... 你有無買protector??如果有水彈濕鏡頭點算?? 因為我屋企得眼鏡布... 啲人話會抹花=.= 但加多個protector又好似好多嘢咁
無喎~~小心d我諗無問題卦~~
回覆刪除[版主回覆07/27/2009 14:18:00]我嗰日都好小心... 不過都彈到 =.=...
因為你玩起上嚟唔會記得
咁咪要買返個protector? 又加多塊鏡 聽講星光鏡影水好靚架~~
回覆刪除[版主回覆07/27/2009 15:26:00]=.=咁又唔係貴... 都係百幾蚊... 不過好似越買越多嘢咁....
支星光鏡你記得帶去試下... 其實你可以上網搵下人哋影成點..
會帶去~~
回覆刪除[版主回覆07/27/2009 16:09:00](Empty)