今日麥皮去小qoo剪毛間petshop剪
放低咗麥皮之後就同奶茶行上綠洲跑跑跑
上去就遇到上次咬奶茶嘅曲架, 好彩佢喺泳池玩, 無理到我哋
不過去到草地, 有兩隻西摩同一隻古代牧羊 
三隻巨形狗少有地對奶茶呢啲細種狗非常有興趣
所以我哋留咗一陣就走咗....
喺樓下行咗一陣就返屋企沖涼
奶茶沖完涼就收到電話接得麥皮
去相先
奶茶有得去玩就不知幾開心
前後兩隻西摩, 我哋抱住都係都要聞奶茶, 仲要企高已經到baba心口
係咁聞係咁抓, 抓到baba一條條痕喺肚位
突然仲坐到乖乖地, 以為baba會俾奶茶仔佢
放上枱以為可以斯文啲打下招呼先, 點知聞多兩聞就成隻跳上枱
試過放落地, 三隻一齊圍住奶茶仔, 嚇到奶茶縮埋一舊搵baba mama
之後離開行咗一陣
即刻開心到彈起
baba 話呢張影得好呀 
麥皮剪完毛同今朝個樣真係唔同晒
baba想影張合照都不停錫
好Bear Bear 呀!!!
回覆刪除[版主回覆12/12/2009 23:24:00]多謝~
麥皮剪毛前後真係爭好遠
回覆刪除[版主回覆12/13/2009 18:15:00]哈~ 因為佢成日抹地~ 個咀仔啲毛好快會污糟
我鍾意麥皮條孖辮仔，好可愛
回覆刪除[版主回覆12/14/2009 11:35:00]耳仔毛唔夠長~ 會捲到耳仔~ 所以好快就拆咗lu
不過我都好鍾意... 好似印第安人
小Qoo髮型, 好可愛呀! 不過個咀d毛好似長咗d.
回覆刪除[版主回覆12/14/2009 12:41:00]係呀?!!但我好鍾意佢好似比熊咁成個頭圓形
奶茶克服咗上次俾狗咬未呀! 佢可能會好驚. 要睇實d呀!
回覆刪除[版主回覆12/14/2009 12:44:00]其實之後我同baba都覺得佢敏感咗見到其他狗激動興奮咗...
但今次又俾兩隻西摩嚇親之後再落街又斯文返喎~
因為之前佢受傷之後會嗌會吠嚇親其他狗主... 搞到好難打招呼
不過尋日再落佢可以唔嘈行埋人哋度打招呼... 我同baba都覺得好開心
原來你想佢好似比熊咁, 咁就要流長d啦! 遲d成個波咁, 肯定好得意. 奶茶依家咁就安落晒啦! 佢算復完得快啦! Kurumi俾狗嚇完, 到依家都仲係驚其他狗, 不過情況改善咗少少.
回覆刪除[版主回覆12/14/2009 13:30:00]其實我好矛盾... 好想留波波頭~ 但又唔想好大個波
奶茶受傷之後都唔係好驚狗... 但有時會激到啲... 想過去同狗玩但又吠人哋... 不過尋日見到可以好冷靜咁同人哋打招呼我真係安樂晒
奶茶仔有冇嚇親ar , 小心d 好, 有一次我地係西貢放狗, 碰到一個狗友, 佢提醒我地要睇緊小狗.. 原來在大狗眼中小狗就像牠們的玩具, 如其狗主不教養狗兒, 小狗很容易成為大狗的犧牲品..
回覆刪除[版主回覆12/15/2009 10:28:00]奶茶梗嚇親喇...
其實今次我哋都覺得係咁~ 因為我樓下啲大狗對小狗好斯文... 所以今次都覺得好少見
麥皮b 做乜你眼超超咁ar ... 真係比你笑c ...
回覆刪除[版主回覆12/15/2009 10:29:00]麥皮: 超下mama影到幾時先放低相雞囉
奶茶同麥皮好可愛呀﹗有啲大狗係特別鍾意同細狗玩，我家oreo就係啦﹗
回覆刪除[版主回覆12/15/2009 14:23:00]多謝
不過我家奶茶嚇到慘叫~ 勁淒涼 =.=