尋晚點幾, 原本就入眠嘅我
突然聽到奶茶發出"嗚~~~ 嗚~~~" 聲
我以為奶茶便便出唔到.... (佢成日食到頭髮連住晒就會咁 =.=)
咁就行去諗住有金執, 點知好乾淨咩都無
但轉頭奶茶又發出同樣嘅聲
我行埋佢身邊, 佢開始唔理我, 發出一啲作嘔嘅聲音
前後嘔咗三撻黃水, (唉, 鬼咩, 夜晚餐糧食少少又唔食)
之後幫佢抹乾淨地方之後... 覺得奶茶好呆
望住一個方向唔郁
坐佢隔離嗌都無反應.... 抱佢好似全身無力咁軟晒
平時唔鍾意我摸嘅腳仔pat pat都任摸唔嬲
我開始驚... baba仲要返咗工得我一個點算
之後拎粒餅餅俾佢睇下有無精神 (麥皮個衰妹已經喺度團團轉好開心有餅餅食)
放咗入口無咬跌返出嚟三次先食
跟住抱起奶茶即刻打俾baba求救 (奶茶仲係好軟咁扒喺我大脾)
baba叫我俾返啲糧睇下食唔食先
好彩都有食... 不過食得慢啲, 食完之後終於有返啲反應
嚇完一輪終於可以瞓覺.... 今朝baba返嚟都見到精靈嘅奶茶先安心晒
死仔下次唔準唔食嘢喇.... 
小心!小心!
回覆刪除[版主回覆12/16/2009 11:46:00]好彩無事~ 俾佢嚇死
因為唔食野...肚餓得滯 ?
回覆刪除[版主回覆12/16/2009 12:30:00]應該係咁~ 衰仔有時食糧食得好唔專心架
肚餓到唔想動, 加上天氣又cold...
回覆刪除[版主回覆12/16/2009 13:09:00]我諗係嗰下嘔完唔舒服...
因為佢係呆無反應... 仲好軟一啲力都無
平時豆沙包成日唔食野我都見佢好精靈,奶茶一餐唔食到甘大件事,甘真係要好小心先得喇
回覆刪除奶茶你下次唔可以唔依野喇
[版主回覆12/16/2009 13:24:00]其實成日唔食嘢架~ 但間唔中先會嘔... 不過今次我見佢呆呆滯滯先嚇親咋~
我隻飛雞無論有病無病都係咁為食，每餐都好快就食完。
回覆刪除[版主回覆12/16/2009 14:02:00]咁咪好囉~ 小朋友食得是福呀~ 唔好過多就得架喇
我都差d被嚇親, 好彩以依家無事.
回覆刪除[版主回覆12/16/2009 14:02:00]真係好好彩咋~ 俾個衰仔嚇一輪... 瞓都瞓得唔好
都係小心觀察好d呀~!
回覆刪除[版主回覆12/16/2009 15:03:00]我會架~ 有咩唔妥一定會帶佢睇醫生
hi我路過~
回覆刪除我Kimchi 上星期又係咁情況,便便時鳴得好大聲, 之後又嘔, 擔心死!
奶茶快快康復
[版主回覆12/16/2009 16:43:00]哎吔... 實嚇餐死...
奶茶可能平時食左d 毛毛同頭髮積聚左冇胃口唔想食野, 你試下買定樽魚油看門口, 間唔中加幾滴落d 糧度比佢地食, 幾好ka ,食完之後令Ng ng 順暢好多< 又可以屙埋d 毛毛同頭髮出黎...
回覆刪除[版主回覆12/17/2009 11:15:00]佢哋一路都有食魚油架
但奶茶宜家痾便便都係咁....
真係唔明做咩喎，好彩仲食野，唔係就大件事啦....
回覆刪除[版主回覆12/17/2009 14:35:00]宜家無晒事喇~ 不過嗰下我諗佢嘔完真係好唔舒服