又去玩喇~
今次夜晚約咗去小qoo生日燒烤會
晏晝就約咗番茄, niza去錦田跑下喇
不過上晝要去拆線先, 醫生話麥皮埋得好好, 拆咗線有四個窿窿紅咗
但到下晝去玩前都已經散晒lu
麥皮仲精精靈靈咁戴住兔耳仔去玩
去到草地, 麥皮好似好耐無跑咁不停係咁跟住奶茶跑
又行去同番茄錫錫 sweet sweet
奶茶就直頭係脫彊野馬, 同番茄打到碌嚟碌去
番茄件衫仔痴到成身草
niza就繼續好勤力咁食草 =.=
到夜晚返屯門去bbq喇, 但天氣急降... 越坐越凍
我都醒唔起要戴衫俾兩個小朋友
最後麥皮係騰騰震mama抱住用件褸包住
好開心認識到壽星妹小qoo, holick,蚊蚊, nano, genie, 懞朱朱呢幾位新朋友
特別奶茶對住小qoo不知幾有興趣, 連女友仔番茄都唔記得咗lu
不過nano都對小qoo好有興趣, 結果nano同奶茶爭啲要打起上嚟添
最後多謝qoo ma嘅小禮物, 奶茶麥皮都好鍾意食
次次搭車兩小朋友都唔同反應, 奶茶一定雀躍萬分, 麥皮實把握機會瞓mama大脾咁
見到面梗係要打一番喇
麥皮今日心情好到可以同番茄錫錫, 真係乖乖
仲同其他狗狗打招呼添
baba有嘢食啲小朋友就全部湧晒埋去咯
niza, 你去邊呀, 我哋行邊喎
今次麥皮好痴住哥哥, 成日都坐喺哥哥隔離
哥哥跑又跟住跑
麥皮相:
我好鍾意呢張~
奶茶相:
奶茶同baba 玩玩具不知玩得幾開心
我哋玩到大陽落山就去bbq咯
夜晚啲相真係多得呢兩部 (不過持有人全部都係魔鬼)
壽星女靚靚小qoo:
同蛋糕影相時, nano ma喺度吹bb, 每吹一次, 小qoo個頭就側一側, 好得意
有型士nano, 同奶茶啲性格好似都咁八八卦卦, 不過好可愛呢.
bb蚊蚊, 全場最細嘅bb, 好貪玩而且好得人歡喜
大頭仔懞朱朱, 最記得係佢個頸圈可以直接拉出, haha
同麥皮好似樣嘅holick, 好乖嘅靚女女, 同麥皮拍埋真係有啲似
嬌小嘅genie, 唔好怪我啲相咁矇=.= 因為真係好黑無開閃燈好難影
怕羞妹一名, 最鍾意應該係mama嘅懷抱
好靚都好好味嘅生日蛋糕
睇下我家奶茶幾無禮貌, 都未到佢有得食已經係咁望住, 為食到死
玩足一日, 返到屋企勁攰, 睇下奶茶瞓得幾舒服就知喇 (原來佢都好似niza咁瞓覺)
多謝qoo ma送嘅腸腸
沒有留言:
張貼留言