星期六診奶茶去咗做手術, baba又要開工
於是我呢個孤獨精就帶住麥皮呢個孤獨精一齊去南生圍
已經好耐未試過帶佢哋搭公共交通工員
麥皮好開心有得去街街... 不過成日會望轉頭搵哥哥
去到草地, 我好想幫麥皮影啲靚相~ 同等佢跑下
但細膽嘅佢... 唔會自己一個跑嚟跑去
於是我陪佢一齊跑... 仲要跑得快過佢再踎低影 
真係忙爆
玩咗兩個鐘... 麥皮開始扭抱就起程回歸lu~
希望南生圍唔好拆啦~ 唔係又少咗一個可以玩嘅地方架啦
早幾日睇到新聞已經知道有人燒樹, 意圖破壞生態價值~ 
肥妹特輯~~ 剪完毛要再影過
上次我地去左一次，但係行嘅地方唔多，真係要去多次睇清楚，影多啲相留念先得！
回覆刪除[版主回覆12/09/2010 12:05:00]其實唔多地方行~ 但勝在有個草地跑下~
同埋好多好靚嘅花花草草
新相機喎﹗ 乜d人咁衰架﹗突登破壞，再係咁香港真係無乜郊外可去喇﹗
回覆刪除[版主回覆12/09/2010 12:07:00]用咗成年啦~ 你宜家先發現咩
其實香港已經係一個無乜地方可以俾人吸下新鮮空氣
我以為有d相係Jessica影渣﹗ 乜咁奈咩? 失憶添﹗仲幾住係幾個月前, 你先係fb話想買大雞架?原諒我有"高錕症"
回覆刪除[版主回覆12/09/2010 12:14:00]多謝你~ 我感受到你讚緊我啲相
其實都係今年年頭嘅事~ 新年後先買嘅~ 計落你啱~ 係幾個月前未夠一年
回覆刪除麥皮: 媽咪影完未呀..不如返去搵哥哥啦.....
[版主回覆12/09/2010 12:51:00]麥皮: ee, mama係都要我stay喺橋頭~ 又唔準我行去佢身邊~ 佢又要行到鬼死咁遠先影我喎~ 我幾驚跌落水呀
回覆刪除麥皮妹妹快d 叫媽咪幫你剪下毛毛啦...
[版主回覆12/09/2010 12:47:00]剪啦剪啦~ 今日剪啦 成身毛唔知會唔會食住個剷推唔郁
麥皮妹幅幅都企定定望鏡頭，咁識擺post，個度係咪成日拍戲架，其實香港己經比澳門好好多啦!澳門就真係無啦!賭場同賭鬼最多!哈哈!
回覆刪除[版主回覆12/10/2010 01:21:00]澳門的確真係賭場多.... 好似無咩草地郊外
麥皮其實唔係企定定架~ 只不過我要佢等一陣就即刻係咁影
影好多張先揀到呢幾張咋~ 因為我一行開麥皮就要行埋我身邊