終於帶咗奶茶去做絕育
原本以為奶茶會好似麥皮咁扭一晚計
但一去診所接奶茶已經覺得佢好精靈
一返屋企已經想跳上梳化添.... 
但俾個頭罩擋一擋... 跳唔上
戴住頭罩嘅奶茶一返到屋企, 麥皮想埋去聞下佢
點知俾個頭罩吉親之後... 就開始驚咗奶茶
當正好似街外狗咁唔敢埋奶茶身, 仲吠佢
經過一日之後, 麥皮終於習慣認得哥哥
不過一戴住頭罩就唔會撩佢
我初初仲擔心麥皮會撩奶茶玩得太癲 
原本借咗家嫂嘅頭罩軟枕得奶茶c服啲
但當晚已經發現奶茶竟然仲舔到傷口
無奈要用返膠嗰個~ 
整體上我好滿意個手術, 聯咗3針而奶茶亦好似無乜痛咁
不過姑娘姐姐剷毛時剷走埋留喺jj上面嗰執仔毛... 搞到奶茶殊殊時痾濕前手 
奶茶仔幾襯粉紅色喎
第二日就除下頭罩抖下啦
麥皮有幾唔鍾意個頭罩??
就係會兜好遠避開佢 
同場加映, 有個肥妹見baba瞓喺梳化, 用咕o臣當被
於是就奔上梳化, 係要瞓喺baba上面先安樂
奶茶好叻叻呀！做完手術咁快 recover ，聽聞乖乖做完desex都down咗幾日呀！
回覆刪除[版主回覆12/07/2010 22:31:00]多謝
最好笑係佢仲戴住個頭罩fing下fing下咁都要玩
我DESEX完第二日，都成日想跳上跳落，不過最討厭就係個燈罩，好彩帶一個禮拜！個燈罩重係到，用黎出街前噴蚤水用！哈哈！
回覆刪除[版主回覆12/08/2010 00:01:00]係喎~~~ 多謝你提醒我個用法~
其實以前奶茶俾狗咬傷時都有一個... 不過後尾執屋時掉咗 =.=
結果要再俾錢買
麥皮妹妹EE就黎比你笑c , 你兜路都兜得好緊要wor .. 仲伸埋懶腰拉埋筋tim ...
回覆刪除[版主回覆12/08/2010 10:17:00]麥皮: 個頭罩真係好恐怖架 仲有時會無啦啦隊我pat pat~~ 我唔鍾意佢
回覆刪除奶茶仔做乜咁憂鬱, EE錫返
[版主回覆12/08/2010 10:17:00]奶茶: 多謝ee~ 我宜家好返好多啦
咁快跳上跳落...真係唔覺得痛喎 :p
回覆刪除[版主回覆12/08/2010 16:43:00]曳到死就真呀~ 幾驚佢整親傷口
麥皮跑到三角形咁好好笑...奶茶個樣好無內
回覆刪除[版主回覆12/08/2010 16:44:00]奶茶心諗... 少咗你個衰妹搞搞震... 不知幾安樂
哩段片我今日睇咗N咁多次, 真係好好笑, 麥皮妹妹嗰個驚青得黎帶點招積, 招積得黎帶點鄙視, 鄙視得黎又帶點得戚.....最抵死就係圍住個哥哥走黎走去wor .. 跟住再睇埋奶茶個無耐樣.... 總知就好好好好好好......笑 你個衰妹..真係頂你唔順...
回覆刪除[版主回覆12/09/2010 00:32:00]奶茶: 個傻婆係要走貢遠之嘛~ 我都唔明佢驚咩
奶茶無奈企定定....麥皮係咁走走走.....
回覆刪除D & G MaMi.....
[版主回覆12/09/2010 00:32:00]因為麥皮喺屋企成日都咁發傻
男仔係快d復完架﹗Shiro果晚就已經反肚訓，都唔似做完desex咁，不過我好狠心，個頭罩真係戴足兩個星期未除過。
回覆刪除[版主回覆12/09/2010 12:03:00]咁shiro咪好無心機囉~ 戴住個頭罩貢鬼阻住
Shiro為咗想整甩個頭罩，係咁fing.........搞到個木地板花晒. =.=
回覆刪除[版主回覆12/09/2010 12:11:00]咁奶茶又無囉~ 佢仲咬玩具同我玩
男仔desex簡單好多，咁麥皮desex左味呀，個驚青妹 d動靜笑屎我啦!
回覆刪除家家做 desex痛左4日度，之後就跳跳紮，最驚險係在第7日我地去左街，返黎見到佢甩左頭罩，再望佢個肚，佢竟然自己拆左線，好彩立即去vet，話佢己經埋左口咋!所以個頭罩綁隱d呀!
[版主回覆12/10/2010 01:17:00]麥皮desex咗架啦~ 仲扭咗一晚計... 不停un...un...un...
un..到我心都赤埋
家家自己拆埋線呀~ 好彩無咩事咋
我唔忍心要佢地戴頭罩，所以隻隻都係買咗但無戴，好好彩無事。
回覆刪除[版主回覆12/10/2010 01:18:00]其實我喺屋企都會拆頭罩等奶茶可以抖下~
不過佢會舔傷口... 所以都係戴住穩鎮啲
HI~請問個頭套O係邊度買架??唔該哂你
回覆刪除[版主回覆05/24/2011 21:38:00]犬工房買架