上個星期四帶埋麥皮去上第三堂
今堂淨係剷咗身同剪四隻腳
要下堂先會剪個頭
原本我想試下手剪麥皮個身, 不過個衰妹唔肯企喺度... 所以都係要用剷
對上嗰次自己同麥皮剷身係佢bb時想快啲褪晒bb毛嘅時候
原來一個捉住佢仲要剷都幾難, 又擔心整親佢
剷完身就修腳型, 將佢由米芝蓮嘅身型修到宜家咁都幾有滿足感...
雖然之前都同奶茶咁剪過, 不過知道手勢之後覺得剪得真係好好多
一入舖就有呢位八歲嘅女女歡迎我啦, 只要放張床喺佢面前, 佢就即刻瞓上去俾你睇c唔c服 
剪毛期間有位同學仔發生工業意外, 仲要做一陣自由女神先止到血
呢位係一位同學仔嘅model粟米, 好鬼定架
fergie都好叻女, 唔會郁, 所以mama 可以手剪個身
跟住就嚟睇下一個肥妹嘅艱辛修身過程
衰妹一路都唔肯去廁所, 但剪緊毛時我又知道佢想去
但一放入圍欄又唔肯去, 結果一返到屋企即刻衝去
回覆刪除麥皮 : 媽媽我邊一忽肥啫.. 冇晒d毛米即刻回服苗條身形囉..... 起馬一定瘦過你啦..
[版主回覆12/14/2010 09:10:00]麥皮: 都係ee清楚我~ 係mama 先周街同人講我係肥妹~ 講到我肥晒
回覆刪除麥皮: 媽媽快d 啦.. 走得未呀... 我好急呀..好急呀 ..但係我唔慣去公廁窩...
[版主回覆12/14/2010 09:12:00]去唔慣公廁就要忍下架啦~ 唔可以郁郁貢想去咁架喎
回覆刪除Fergie 好乖好叻女wor , 比起平時動如脫兔, 簡直判若兩狗... . 做咗家姐真係唔同d 個bor ...
[版主回覆12/14/2010 10:28:00]我都覺得Fergie同麥皮真係好唔同~ 平時去玩嘅麥皮好靜唔好動~但fergie好似唔停得咁~
但美容時嘅麥皮就郁郁貢唔會定, 但fergie可以企定定
麥皮話咁易就瘦倒身，真係羡慕 c人啦!
回覆刪除[版主回覆12/15/2010 00:07:00]係咯~ 話瘦就瘦~ 真係羡慕死人
麥皮，你喱個瘦身療程果然係即時見效喎!!
回覆刪除[版主回覆12/18/2010 19:56:00]麥皮: 係呀~ mama都好羡慕我瘦得咁快~ 仲話唔再嗌我肥妹啦喎