有個督督好錫我哋話要車我哋去南生圍反
仲順便去影下相喎
督督嘅朋友仲帶咗個新朋友出嚟... 佢叫mini呀
mini好似麥皮咁怕醜... 剩係會黐住mama架咋
嗰日我哋周圍行下, 最後去咗大草地度係咁跑... 好好太陽但又唔係好熱..
我哋反得巧kai sin呢
睇下mami嘅劣作先啦~ hehe
仲走去學人打蜂添
我哋差唔多走時, 個天啲雀係咁周圍飛... 好壯觀呀
奶茶: 呢度就係之前火蠋燒剩嘅地方, 我一經呢度就好緊張... 係咁周圍跑... 仲要係咁跑去啲黑色地度... 結果搞到啲腳黑卒卒
呢隻德牧好乖... 淨係同主人玩樹枝.. 唔會埋我哋度... 唔係實嚇死我哋
麥皮: 其實我都唔係咁怕醜啫... 我有同mini打招呼架... 不過有時見到佢會兜路之嘛
mini 有時會認錯mami係佢mama跑咗去佢度
mami好鍾意呢張, 話影我哋都無咁靚喎
mami仲讚mini好上鏡... 好靚女
奶茶: 不過我都唔差... 但下次可唔可以舉我咁高, 我有畏高架
奶茶: mami仲話, 問人借支貴嘢, 真係唔同啲, 我都唔識分嘅... 我都係咁靚仔呀
mami仲話我好為食... 人哋EE食零食都要走埋去睇下有無得分
麥皮: 今日好太陽得嚟又唔辛苦, 所以我好開心呢... 唔使搽防晒
mami一見到我呢個樣就大笑... 仲影完相先幫我抆走啲草
呢位哥哥好可愛... 好想同我玩但又唔敢... 所以我都唔驚佢, 因為佢驚我多啲
mami仲話好鍾意呢兩張相... 因為我同呢個哥哥都好可愛...
今日mami話要扮潮童, 戴住頂已經out到無人戴嘅貨車帽
好鍾意哩張.. 麥皮妹妹好似同傾緊計咁...好窩心
回覆刪除<如果政府要宣傳尊重生命由我做起, 我一定會簡哩張做海報>
[版主回覆02/16/2011 09:08:00]Mami: 我都好鍾意呢張... 佢哋兩個好似真係有交流咁
漏咗哥哥兩個字tim ... (麥皮妹妹好似同哥哥傾緊計咁)
回覆刪除
回覆刪除麥皮: 拿... Mini 雖然大家咁高咁大咋, 話晒我出黎跑多過你. . 你跟住我好喇, 米亂走呀...
[版主回覆02/16/2011 09:08:00]麥皮: EE錯咗啦.... 最後佢無跟我走.... 淨係坐喺佢mama隔離
回覆刪除奶茶 : 點呀.. 點呀.. 媽媽..影唔影到我個型樣jak ...
[版主回覆02/16/2011 15:24:00]奶茶: mami話我點樣都型喎~ 叫我唔好問
奶茶你好似活躍過麥皮好多呢~張張都係跑唔停呢
回覆刪除[版主回覆02/16/2011 15:26:00]奶茶: 我好鍾意跑... 係咁周圍跑... 唔似我個肥妹 周身肉都唔肯跑下... 跑兩步就唔想郁架啦~ 懶到死
南生圍真係好靚，希望唔好起樓啦！
回覆刪除[版主回覆02/16/2011 15:26:00]奶茶麥皮: 係啦~ 咁靚嘅地方用嚟起樓... 我哋又少咗個玩嘅地方
d相真係影得好靚呀
回覆刪除[版主回覆02/16/2011 15:27:00]奶茶: 多謝你讚mami 不過佢都係撞彩啫~ 影幾百張先揀到幾十張出嚟... 點都有靚啩
兩個小朋友都跑得好開心呀！仲影咗咁多靚相添 。我哋都剛剛去過。
回覆刪除[版主回覆02/17/2011 09:10:00]奶茶麥皮: 多謝讚賞~ 我哋只要有得去反... 去邊都貢開心架
d相好靚呀,係佳作先啱呀.
回覆刪除[版主回覆02/17/2011 09:11:00]奶茶麥皮: 多謝讚賞~ 但EE咁樣會讚壞MAMI, 麵包啲相靚好多
圓咕碌 : 奶茶同麥皮張張相都笑 , 一定玩得好開心呢~!!
回覆刪除[版主回覆02/18/2011 14:09:00]奶茶麥皮 : 我哋真係玩得好開心呀~ 有得跑又有baba mami陪
D相影得好靚...我鐘意同小朋友影果兩張...好特別感覺!!
回覆刪除[版主回覆02/18/2011 14:10:00]有眼光, 我都好鍾意嗰兩張~
影麥皮嗰幾張都影得考靚呀
回覆刪除[版主回覆03/14/2011 12:17:00]所以係被攝者先決