日到麥皮約咗沖涼, 扮靚靚聽日去趴地
沖涼前近近地去綠洲跑下啦
今日一去到就包場
不過玩咗半個鐘就有隻金毛嚟, 奶茶即時好緊張...
唯有問下後面草地可唔可以跑
但原來後面嘅草地都圍住不少數嘅德牧, 場中間都有個有鐵欄圍住一隻
一行過啲德牧就唱山歌咁
入到去見到啲德牧好似動物園咁圍住我
連平時唔驚大狗嘅我都寒一寒
何況我兩個點敢落地
之後職員話我哋可以去泳池跑, 不過小心佢哋唔好跌落水
嗰頭奶皮baba 打嚟叫我小心唔好俾佢哋跌落水
奶茶就自己鐘咗落淺水區間水再上返水~ 
搞到四隻腳濕晒
今日又遇啱上次咬奶茶嗰隻玩... 左避右避一輪終於等到草地無大狗先再去玩
奶茶麥皮玩玩玩:
你哋兩個有咩發現先
兩個都咁鬼鼠嘅
跑跑跑
奶茶濕咗腳架啦
奶茶篇
今日俾咗個背囊奶茶仔揹, 又揹得幾過癮喎
麥皮篇:
臨走時認識咗個朋友仔
佢原本好似麥皮咁細膽, 見到狗狗會發脾氣
但佢同麥皮竟然可以亙相打招呼
奶茶仔鍾意同佢玩添
返到屋企奶茶已經唔想郁lu
不過妹妹去樓下沖涼, 我就幫奶茶沖
都有修下眼仔啲毛, 兩個當堂靚仔靚女晒
自問覺得奶茶同麥皮都唔係最乖嗰個
奶茶仔俾人感覺好惡好嘈
玩又係wu~驚又係wu~ 咁啲人鬼知佢咩事wu咩
喺街度玩玩下就wu人哋... 唔識奶茶嘅咪話佢惡死話佢無禮貌
唔養狗嘅朋友出手制止奶茶/拍佢頭/喝佢
我見到好唔開心... 因為奶茶仔嘈但唔係惡
喺屋企同佢梳毛又無耐性到死... 梳慢啲就咬我
詐死/詐痛/鬧都試過... 但都無用
我知喺佢眼中我地位低, 因為出街沖涼同爸爸梳毛, 美容姐姐都無話佢咬
其實好多嘢我都做咗盡量唔寵佢
唔俾佢上床上梳化, 拖繩唔俾行快過我
但我都覺得佢成日蝦我, 唔會嗲我
我好想搵人上門教, 教下我
但爸爸要我解釋要我上網搵方法
因為佢覺得搵人教好貴
自問識教... 我唔會係地位最低嗰個
星期日, 又係去玩日
梗係約番茄去玩架啦
今次仲約埋Bulky, Bobo, Brandy一齊去南生圍
第一次去南生圍, 覺得嗰度風景真係好靚
不過草地無垃圾桶同無櫈坐
下次去一定要帶膠袋同膠枱布
連麥皮少有地一去到就跑
奶茶同番茄一見面梗係打返幾十場交先啦
之後見到3B, Brandy忍唔住同奶茶喺度唱山歌
Bulky就好有大哥風範, 原來Bobo都係嗲豬嚟嘅
第一次好似行山咁行咗段路, 好開心奶茶無走咗去唔理我
反而麥皮一攰就坐喺地等我去救佢... 不過我多次都要佢行
好彩無人抱走佢啫~
不過星期日去真係好多人去影相, 我哋嘅小狗都俾人攔途截劫咗好多次先行到去士多
好多謝3b媽嘅見面禮同牛肉丸 小朋友不知食得幾開心
今日仲見到獒犬同大白熊(定西麼) , 真係好靚好有型
我一定會再去南生圍架
喪跑喪玩篇:
一去到奶茶麥皮同番茄就喪跑
當然唔少得奶茶同番茄打鬧場面啦
連麥皮都唔執輸要行埋去 (執死雞??!!)
兩個八卦仔八卦妹見到有小朋友梗係要去八卦下啦
奶茶仔直頭愛上咗呢隻poodle仔仔添... 係咁追住人 =.=
合照篇:
麥皮同番茄著咗姊妹裝一齊去玩
其實奶茶同番茄都幾有夫妻相呀
影六狗合照時... 佢哋好難得嘅都咁定
3b由頭定到落尾都無郁過
想知B組嘅3B有幾定, 同A組嘅奶茶麥皮番茄有幾唔定???
第一張: 幾好呀
喂喂喂, A組成員, 未郁得喎... 睇下B組幾叻
調完一輪位之後, 終於又定咗一陣... 但係3B由頭到尾都未郁過咁滯
其實影呢兩張時我好驚自己突然失平衡跌落水 =.= (因為我成日都係咁)
番茄ma同bulky 嘅靚靚合照
麥皮好似bb咁
當然唔少得大合照啦
獨照篇:
番茄:
帶咗魚眼鏡玩, 梗係個個都要啦
Brandy:
我真係好鍾意Brandy呢張... 影得佢好得意, 效果又好
Bulky:
如果影近啲會靚啲
BoBo:
BoBo呢張係我第二鍾意, 因為個效果都好靚
奶茶仔:
因為奶茶鍾意玩, 所以成日影到都係喪跑或者打交... 反而好少影奶茶嘅獨照
奶茶呢張令我爆笑, 佢四隻牙仔幾鬼明顯
麥皮:
因為麥皮較少郁動, 所以獨照反而多啲
不過麥皮都有喪跑嘅時候
跑完一輪無晒電
行去士多時直頭坐喺地等我救佢... 如果見我真係唔理佢... 就死死地氣繼續行
食到牛肉丸lam lam脷
大頭麥皮, 最好影, 因為佢唔會點郁
不過個效果無3b咁靚... 因為個鼻短
玩完到我哋去醫肚時, 麥皮已經喺我個袋瞓完又醒醒完又瞓, 反而奶茶坐喺櫈度釣魚
