見到多多Jelly抽中咗雜誌送嘅影相
於是膽粗粗又寄去抽下
不過發現都命中率都幾高
因為番茄都抽中, 啱啱又睇到blog 友豆沙包都抽中
之前一直都諗住等奶茶長返啲毛就想去搵人影
所以都睇過其他專業收錢影出嚟嗰啲真係好靚
今次諗住$88, 都唔會有太高要求
原本可以帶多隻去影, 不過要加$300
但出嚟嘅質素我又覺得唔使咁多錢
所以我哋揀咗淨係帶麥皮去影
其實我對影出嚟嘅無咩意見, 因為都有啲影得幾靚
但我對影相嘅人好有意見
因為喺麥皮喺一個唔熟悉嘅環境佢會好緊張
加上除攝影師以外仲有兩個男人喺度
佢哋為咗吸引麥皮望鏡頭不停發出不同嘅聲
但加埋一齊嘈到麥皮連我叫佢都聽唔到
淨係好緊張咁搵我哋想落地
同埋有個男人不停好高音咁叫麥皮
我聽到把聲都覺得忟, 可況麥皮...
到後期麥皮已經開始發出不安嘅"un..."聲
幸好全個過程唔使半個鐘已經完結
亦都好彩無帶奶茶, 唔係佢實發脾氣
一去到已經對麥皮好有興趣嘅Coffe~ 無奈麥皮真係怕生保
喺等緊期間, 緊要幫麥皮影下相先啦, baba就幫麥皮梳靚啲
嗰時麥皮都識笑, 不知笑得幾靚女
到專業嘅相啦~ 雖然我鍾意多啲表情嘅麥皮, 但都算影得唔錯
佢呢張係嗌緊想落地
沒有留言:
張貼留言