16/1/10 舊朋友聚舊,8狗14人

一班已經無聯絡舊朋友, 因為fb再聚頭

咁啱一月好多狗狗嘅生日

就搞咗個小型生日會兼聚舊

識咗新朋友仔, 毛豬,bebi, 叮叮,廿四味,oreo, 阿mui

現場最嘈嘅小朋友就係奶茶

奶茶好想同毛豬bebi玩, 但人哋唔啋佢, 佢就吠人哋係咁嗌人地同佢玩

廿四味同oreo都肯同佢玩, 佢又驚人哋

玩又玩到唬唬聲, 嚇到無養狗嗰啲話奶茶發惡

費事俾人覺得奶茶無家教, 一於拉住佢唔俾佢去玩

結果坐喺度好淒涼咁嗚嗚... 唔係有人求情我真係唔放...

(因為現場啲人都唔識奶茶, 有人唔抵得佢嘈... 拍佢個頭 )

至於麥皮, 都係無乜同朋友仔玩

最叻就係走去聞bebi (因為差唔多size)

其餘時間都係去一啲癖靜嘅地方避狗

同埋好唔鍾意廿四味

不過今晚啲新朋友都好可愛

毛豬係白色poodle, 勁為食唔會同狗玩, 爭係扭baba mama俾嘢食

bebi係約瑟爹利, 好鍾意痴住毛豬, 搵到毛豬就搵到bebi

廿四味係哥基, 好貪玩但好聽話, 好鍾意毛豬條尾, 但毛豬每次都發惡鬧走佢, 但面皮厚嘅佢會再嚟

叮叮係迷你都柏文, 好斯文嘅女仔, 最鍾意坐喺baba面前等佢俾嘢食

Oreo係史納莎, 好鍾意做大, 脾氣唔好, 但成晚就好鍾意追住廿四味

阿Mui係白色史納莎, 細膽妹妹, 咩狗咩人都驚, 淨係鍾意baba mama, 唔抱都要攬住隻腳唔放

 

呢個就係叮叮啦

 

好鍾意痴住mama抱嘅阿mui,

 

大阿哥oreo

 

聽話貪玩廿四味

 

毛豬同bebi

 

生日會梗係要有生日帽啦, 麥皮抹地抹到個咀黑蚊蚊

 

奶茶仔戴得醒目啲, 今日佢打咗條煲, 不過移咗位

 

唔好誤會, 佢係毛豬嚟架, 俾毛豬ma惡搞變咗咁嘅樣

聖安娜嘅生日蛋糕, 都幾好食, 小朋友爭住食

 

一見到有嘢食, 毛豬已經霸住個靚住等食, 奶茶都唔執輸

 

壽星仔女梗係要影返張相架啦

不過麥皮妹妹已經好專心咁..............食蛋糕

 

都未影完相已經無咗一忽啦

 

最後叮叮先同無咗一忽嘅蛋糕影相, 但麥皮好記掛個蛋糕

 

個蛋糕真係好好味, 不過兩個食到成頭到係, 最後都係用手餵

 

其實奶茶仔今日去埋剪毛, 剪短啲耳仔唔使成日抹地, 諗住無咁女仔, 但好似都好女仔

今次剪咗喇叭腳添呀... 不過唔記得影