今日係麥皮一歲正日生日
咁啱奶茶仔夠期要打防疫針
如果唔係其他時間夾唔到, 都唔會帶奶茶今日打針
次次同奶茶搭車, 都覺得奶茶好似未坐過車嘅小朋友咁
一定要望風景, 睇到開心時就會企喺身扶住個窗望
今次去診所當然都係咁啦...
不過佢去到診所就好緊張咁... 唔知係咪知道要打針呢
但入到去見醫生, 又無細個咁驚到瀨尿, 反而勁興奮開心... 好似想醫生陪佢玩咁
坐喺醫生枱條尾fing到甩出嚟咁
磅磅先... 4kg... 好彩醫生無話佢過瘦啫
之後做個簡單檢查都ok晒... 非常健康
終於到打針啦, 初初以為奶茶會大嗌, 但好叻仔咁淨係細細聲呀咗一聲...
之後無事發生一樣
姑娘仲話佢靚仔添呀
奶皮baba就去咗元朗買3b媽介紹間cafe度買咗一件cake
俾麥皮妹妹做生日蛋糕
兩個都食得好開心呀
baba仲整埋菠菜芝士雞肉俾佢哋添
今餐就飽飽囉
唔知係咪有咁多好嘢食, 佢哋特別開心
玩到癲晒兩個笑咪咪咁
麥皮: 好好味呀~
麥皮: 今日我好開心呀, 有雞雞食又有蛋糕食
麥皮: 但mama你可唔可以再俾我呀(你食咗好多啦)
麥皮: 求下你吖... 真係無呀
奶茶: 食飽飽~~ ^^
奶茶: 如果再有就好啦
奶茶: 我咁乖都無呀
奶茶: 唔俾就算啦...
另外我哋仲買咗藍苺同黑朱古力, 真係好好味
3b媽果然無介紹錯
回覆刪除麥皮呢一張夠哂開心，補祝 Happy Brithday..............
[版主回覆01/20/2010 08:58:00]麥皮: 多謝~ 有蛋糕食~ 梗係開心喇 yummy
回覆刪除麥皮B , 生日快樂... 如果bebe 妹妹影相好似你咁識笑就好lu , 佢一影相就好緊張ka na ...
[版主回覆01/20/2010 09:44:00]咁啱佢同奶茶玩咗一輪... 兩個都玩到喘晒氣~
先笑得咁開心咋
HELLO~31/1 我地ok呀~ 你有詳細資料再話比我知啦~
回覆刪除[版主回覆01/20/2010 11:40:00]你方唔方便留msn再傾??
番茄：件蛋糕好似好好味咁喎～奶奶～～我又要 ..同埋我想食老爺親手整嘅菠菜芝士雞肉
回覆刪除[版主回覆01/20/2010 15:24:00]新年啦~ 新年叫baba整俾你食好唔好
芝士蛋糕星期日帶你去買都得啦
HAPPY BIRTHDAY TO 麥皮!
回覆刪除[版主回覆01/21/2010 00:58:00]麥皮: 多謝麵包
奶茶都好似生日咁，同一樣菜，一樣的蛋糕！麥皮心想奶茶你都快D生日！哈哈
回覆刪除[版主回覆01/21/2010 00:59:00]麥皮: 嘻嘻~ 哥哥生日時我都有份食嘛~ 宜家分返俾佢都唔緊要啦
麥皮生日快樂呀! 祝你越來越靚女, 身體健康!
回覆刪除[版主回覆01/21/2010 09:43:00]麥皮: 多謝晒
請問個 cake 係邊度買架? 好好食咁喎
回覆刪除[版主回覆01/21/2010 12:36:00]元朗又新街
麥皮生日快樂呀~
回覆刪除奶茶剪完毛毛靚仔左好多喎~
[版主回覆01/21/2010 12:51:00]多謝~ 我都覺得奶茶剪咗都好睇好多... 唔會亂糟糟
相中奶茶唔同左樣呀.!!!!
回覆刪除d蛋糕o係邊度買架﹖我都想試下，好似好好味咁....
[版主回覆01/21/2010 13:19:00]點唔同咗?!!靚仔咗???定靚女咗
個蛋糕喺元朗又新街買架
麥皮生日快樂~
回覆刪除[版主回覆01/21/2010 17:56:00]麥皮: 多謝茶茶
補充麥皮生日快樂﹗奶茶都好叻叻，下星期都到OREO同EAGLE打針啦~
回覆刪除[版主回覆01/21/2010 17:57:00]麥皮: 多謝3狗窩
奶茶: Eagle係大阿哥嚟架嘛... 應該唔怕痛嘅
Happy Birthday ~~~我仲有6個月先生日
回覆刪除[版主回覆01/25/2010 13:14:00]眨下眼就到架啦
麥皮生日快樂
回覆刪除[版主回覆01/25/2010 13:15:00]麥皮: 多謝