自問覺得奶茶同麥皮都唔係最乖嗰個
奶茶仔俾人感覺好惡好嘈
玩又係wu~驚又係wu~ 咁啲人鬼知佢咩事wu咩
喺街度玩玩下就wu人哋... 唔識奶茶嘅咪話佢惡死話佢無禮貌
唔養狗嘅朋友出手制止奶茶/拍佢頭/喝佢
我見到好唔開心... 因為奶茶仔嘈但唔係惡
喺屋企同佢梳毛又無耐性到死... 梳慢啲就咬我
詐死/詐痛/鬧都試過... 但都無用
我知喺佢眼中我地位低, 因為出街沖涼同爸爸梳毛, 美容姐姐都無話佢咬
其實好多嘢我都做咗盡量唔寵佢
唔俾佢上床上梳化, 拖繩唔俾行快過我
但我都覺得佢成日蝦我, 唔會嗲我
我好想搵人上門教, 教下我
但爸爸要我解釋要我上網搵方法
因為佢覺得搵人教好貴
自問識教... 我唔會係地位最低嗰個
您不如試下每日翻轉他一分鐘, 即使他不願意, 你要堅持, 這動作表示你地位比他高, 經常翻倒他, 他會聽你的! Good Luck!
回覆刪除[版主回覆01/29/2010 13:49:00]我成日反轉佢架~ 如果唔係梳毛其實佢都唔會點郁架
你錫佢佢先至會蝦你咋！唔好灰心啦！
回覆刪除[版主回覆01/29/2010 13:50:00]我唔會灰心架~
我一定會努力唔俾佢成日蝦到我
呢排妹豬都蝦我多左, 成日都用把聲黎攞佢想要既野, 例如上床, 我响廁所時要我開門, 要我响籠度放佢出黎, 但對住佢爸爸佢就即刻收聲架喎, 佢爸爸話因為我縱佢多左喎, 其實我都無縱佢, 只不過唔贊成成日用鬧或者打既方法去教, 會帶黎反效果, MACK SIR教用奬賞黎鼓勵正確行為架嘛, 我都頭痕緊...
回覆刪除[版主回覆01/29/2010 15:21:00]係~ 我都唔鍾意用打嚟教... =.=
鐵罐噴水我都有架.... 同埋唔理佢囉
我同你一樣咁無奈.....
回覆刪除我試過晚晚o係屋企都用繩拖住多多一個鐘，比佢知道佢o係屋企o既自由都係由你控制....
[版主回覆01/30/2010 00:22:00]唔得架~ 佢會唔行同係咁咬狗帶 =.=
你要求高咋? 奶皮哋都唔乖....咁就真係無乜狗乖囉. ....不過精益求精都無壞嘅. Add Oil la!
回覆刪除[版主回覆01/30/2010 00:21:00]其實我都係有陣時先覺得奶茶曳.. 但偏偏嗰啲時候真係會令我好沮喪好激氣
唔知我0既經驗可唔可以幫到你, 毛菲對我同爸爸都勁惡, 由一歲開始就搵TRAINER 教, 做哂一般TRAINER 話唔好上床, 上SOFA, 要有主人地位0既方法, 依然係比佢咬到洗哂血!!!試過問題因經驗不足TRAINER 教, 令問題惡化!
回覆刪除你問我, 我都睇好多書, 自己教, 咩方法都有用, 不過未必有穩定結果, 到上年中, 問題到達連唔好講梳毛, 連帶COLLAR 都被咬!!!無法之下, 唯有再四處搵專業人士幫手, 已經係毛菲第四個TRAINER, 今次找對了, 亦有好好0既效果同埋知更多要咩方法先可以攪掂佢, 唔係一般唔上SOFA , 床等等就得, 教狗真係要好專業, 好有學問, 今次D 錢真係洗得值!!
[版主回覆01/30/2010 10:04:00]如果全家無共識去搵trainer... 我會覺得搵咗都係白費...
所以唔係全部我都可以話晒事
你唔好太緊張啦，奶茶真係唔算唔乖嗰隻，至於佢胡胡聲人哋講D唔好聽嘅說話咪由佢囉。係街有D人怕狗，試過見到番茄，大叫一聲，嘩～狗呀，好驚呀～～好似見鬼咁，仲嚇親番茄添。當時都會好唔開心～不過諗諗吓咪由得佢哋囉，我都冇辦法㗎
回覆刪除[版主回覆01/30/2010 10:00:00]其實我係覺得佢嚇親人啫...
哈~ 啲人大嗌嗰啲~ 反而我係怕佢嚇親奶茶麥皮啫
有時真係話唔聽架 >_< 亞仔成日都痾屎痾尿響地下，打過、話過、利誘過都係咁，唉~
回覆刪除[版主回覆01/30/2010 22:53:00]呢個先最難~ 一係就昅一日等佢痾啱勁讚
其實我覺得奶茶都好乖bor , 佢吠只係 裝兇作勢同埋比較緊張, 情緒又容易高漲, 仲有就係當麥皮妹妹未出現時,你地好多時都只專注在他的身上, 縱然你地有管教, 但有些我地大人覺得小問題地方,不知不覺地放縱了, 及後妹妹來到了作為父母的你們, 會將專注力分散了, 亦因為奶茶的行為而令你們取得經驗, 所以麥皮會容易教及聽話, 再加上狗狗同人一樣每隻狗都有不同的性格, 以我個人而言, 奶茶只是一個用比較嘈吵的方式去表達自己以已, 慢慢黎la ./ 耐性是很重要...
回覆刪除在此一提. 我非常明白你的感受, 我家muimui 都係一樣ka , 佢要你同佢玩時會再你面前大聲吠叫, 門口有人經過又會吠叫, 電視裡出現有動物畫面佢都吠叫, 家中的擺放如有不同又叫, 我地都試過煩惱過ka . 及後我同muibe 爸細心分惜過, 發覺其實係我地大人有問題, 不自覺地寵壞了她, 因此到bebe 到來ga 時候我地就知道如何去令佢地明白正確的做法, 亦係佢地令我地學會有耐性. 你都唔知哩個mui mui 細個ga 時候一見我地食野就係咁吠個不停... 教左好長時間才懂得耐心等待......
努力ar , 奶茶係一個很直ga 小朋友....
[版主回覆02/01/2010 09:50:00]其實兩個我都係咁教~
無可否認嘅係專注力係分散咗~
但喺屋企其實佢哋係均等, 反而出到街, 我哋會留意奶茶多過麥皮, 因為麥皮會喺腳邊, 而奶茶會周圍走, 可能麥皮會痴住我哋所以覺得我哋留意佢多啲
其實我都好認同有問題, 一定係主人嘅問題, 不過我唔知點樣先俾奶茶清楚個地位, 因為佢真係會咬我手
其實方法來來去去都係果幾樣, 你都差唔多試晒, 我覺得最重要係堅持落去.
回覆刪除[版主回覆02/01/2010 13:43:00]其實我成日都諗~ 會唔會個時間捉得唔夠準
我屋企個管家婆muimui 都係ka , 當佢擺住一樣玩具ga 時候, 老豆都係假, 照咬, 爸爸有時火起上黎都會大大力打佢個pat , 但係後來發覺佢同一d 頑皮ga 小朋友一樣遇強越強, 最終我就採取"哦" 牌手段, 當佢一發癲我就望住佢( 要用你對眼bear 實佢wor ) , 千其唔好講個" No" 字, 因為好多時哩d 情況都係佢地處於情緒極度高漲ga 時候, 對於muimui 同奶茶哩d 性格ga 小朋友要以柔制剛, 仲要成日同佢傾計, 要用上比麥皮給bebe 10倍ga 耐心, e ka muimui 就進步左na , 我相信奶茶都得, 你同奶皮都一樣得.
回覆刪除你都唔知ar , ah muimui 衰到坐係車入面見到街外有人唔順超佢都吠ka ....
[版主回覆02/01/2010 16:04:00]其實奶茶係蝦我... 唔係個個都蝦...
有時我真係好沮喪... 係因為我知奶茶無咁聽話, 我會用多幾偣嘅耐性同佢去做每一樣嘢
甚至奶皮baba已經覺得佢幫奶茶梳毛沖涼好過我做, 起碼唔會咬佢
但我都想盡可能自己梳, 我想知究竟係邊度出咗問題令佢要咬我