今日個天陰陰地
我哋三四點先到... 所以唔係曬得好辛苦又唔係好焗
到游水嘅時候, 毛毛好叻仔咁第一次已經游得好好
係麥皮游極都唔係夠膽
對腳唔係好夠力游
其實佢應該唔係咁鍾意, 不過我都希望游多啲
可以強壯啲後腿嘅力, 始終佢嘅後腳弱啲
不過今次都游到一陣架啦...
至於奶茶去到泳池都係咁追住隻松鼠仔
仲要唬人哋... 礙於費事嚇親人哋... 所以佢游水之後我哋都唔俾佢周圍走
呢隻金毛好得意.... 游一陣水狗主會放佢過嚟一陣, 佢就會喺草地係咁碌
呢個畫面好好笑... 係牧羊嘅主人帶住牧羊跑
毛毛就唔理邊個就跟咗出去
之後另一隻松鼠仔就走去追隻牧羊
奶茶追松鼠仔
所以四隻狗就跟住一個人周圍走
好難得影到嘅合照
奶茶望鏡頭呀
毛毛應該覺得啲池水幾好飲
唔知大家有無試過...
定唔知自己有沉迷動物傳心術而導致錯覺
件事係咁嘅
因為奶皮媽我牛一放工就出咗去食飯
奶皮爸就返咗工... 奶皮兩位就困咗喺圍欄到我凌晨一點返嚟
返到嚟服待佢哋到兩點... 但我第二日仲要返工... 所以都好快熄燈瞓
平時我熄咗佢哋燈就會瞓覺... 點知尋晚熄咗燈都繼續吠
奶茶先生唔知咩事... 郁啲就吠麥皮...
麥皮坐喺廁所霸住, 唔鍾意就鬧... 自己又唔係要去
麥皮瞓床仔, 唔鍾意又鬧... 但自己又怕熱唔瞓床, 分開兩張都係咁
四五秒吠一聲... 佢又唔會連續係咁吠
喝止過... 困入細籠罰過
到三點鐘... 我覺得佢係咁真係嘈到人
而且嗰一下我意識到, 佢係發緊我脾氣
我行出去望住佢同佢講
"對唔住, 我今晚無返嚟陪到你, 我聽日帶你去玩去街街, 不過你要乖乖地唔好再嘈好唔好?"
跟住返入房熄燈瞓 (佢哋喺圍欄望到入房)
佢哋好安靜咁俾我一覺瞓天光
我呢個懶嘅奶皮媽... 隔咗四日先寫blog
上星期六剃毛時剃損咗麥皮.... 所以今次唔去游水
但唔去游水都要郁動下架嘛!!!~ 所以就落街跑下... 好在屋企附近有個空地... 又睇得住小狗又唔多人流
今次落去已經見到一隻好靚仔嘅松鼠同黑媽媽好大聲嘅貴婦
隻靚仔松鼠對我家女兒好有興趣... 係咁追住佢唔放...
有次爭啲仲.... =.=
嚇親麥皮... 麥皮後尾直頭發惡添... 我未見過麥皮對其他狗發惡
以下係我家麥皮喺街俾人撩嘅證據
呢隻黑色貴婦好驚人驚狗... 見嘢就吠... 一行埋去佢身邊就吠... 佢仲好跳得
跳咗上兩尺高石"膊"... 奶皮都追佢唔到
松鼠仔見麥皮避開佢... 先行埋奶茶度打下招呼.. 唔知係咪同性相拒...
奶茶唔係好想理佢咁
反而貴婦係咁避奶茶就令到奶茶好有興趣
兩隻小狗都走咗我哋先周圍行下跑下
麥皮好叻架... 好鐘意望人行
baba一跑.. 奶皮就會跟住追架啦
但點解奶茶會拖咗繩嘅... 因為baba嬲奶茶自顧自玩... 嗌佢都唔理
仲要玩到成頭"痴頭芒"... 返到屋企抆咗十幾粒
但到我行時... 奶茶無周圍走得咁遠... 不過我就匿埋要佢搵我...
好好玩 ~haha
今次第一次帶埋波落嚟玩... 梗係要俾佢哋追下
不過奶茶喺屋企追骨頭公仔好似雀躍啲
麥皮都有追架... 不過咬唔起個波之嘛...
