買買買~~~ 我最愛就係買嘢

尋日同奶皮爸出省城

梗係要去行下街買下嘢架啦

本身諗住買個高身啲嘅餐盤俾奶皮

跟住呢排又心思思想買領巾同帽俾佢哋

所以見到又忍唔住買咗啲

(

奶皮: 平時baba mama話唔會買衫俾我哋架)

 

呢個兔耳仔真係好得意...

麥皮頓時變咗四隻耳仔

買俾麥皮嘅新領巾, 麥皮要戴3S碼

, 勁得意

哈哈哈... 下面頂CAP帽係買俾奶茶架, 不過忍唔住搵麥皮都試下戴, 頂帽大到遮咗對眼仔

麥皮變做周杰皮...

初初佢都郁嚟郁去... 但因為睇唔到嘢... 後尾直頭放棄咗唔郁... 但就好似好驚咁

但頂帽奶茶戴好似細咗啲... 對耳仔豎起咗...

而且奶茶勁唔鍾意頂帽, 個頭係咁FING... 好似識咗FING頭

買咗領巾俾奶茶我覺得好靚... 不過個領巾已經好快咁俾奶茶咬爛咗少少

我發現麥皮呢個色戴咩都好靚咁

麥皮俾我哋舞到唔耐煩...

下面呢頂先係買俾麥皮嘅帽仔... 好得意呀~ 哈哈哈

頂帽奶茶都可以戴到... 都戴得幾好睇... 不過佢已經唔耐煩到... 要人捉住先影到相

呢個就係我新買嘅餐盤, 我原本揀大紅色架... 不過得陳列貨... 仲要已經花咗

所以揀咗粉紅色... 希望有新餐盤佢哋會食得開心啲

 

我仲買咗小說,DVD,奶皮爸仲買咗聖鬥士... 大豐收嘅一次