如果見到人打狗, 你會點做??
事原係今日我一個帶奶皮落街散步時
行上一條天橋, 上斜路未到橋面時已經聽到"啪﹑啪"好大聲
唔知之前發生咩事, 我見到有兩個十零廿歲嘅女仔鬧緊一隻西施同一隻金毛
遠處有個女人隔離有隻貴婦
其中一個女仔叫金毛咬住自己條狗帶, 隻金毛真係好乖咁坐喺度咬住狗帶
跟住個女仔起勢咁鬧西施, 一手抱起咗西施另一隻手就打落佢patpat度 
好大聲"啪"一聲, 西施成個身擺動咗最少四十五度之後放返落地
當時我呆咗, 跟住仲要電話響,
聽住電話嘅我亦都行到橋面
金毛同西施見到奶皮好開心咁行過嚟打招呼, 亦無唔禮貌嘅行為
但嗰兩個女仔仲鬧緊佢哋, 而我亦都因為講緊電話剩係識急急咁拉奶皮走
跟住我一路行一路仲聽到啲"啪"聲, 望返轉頭佢哋一人鬧一隻...
當時我諗唔到嘢, 剩係想快啲走.... 而電話收咗線之後我亦都離開咗條橋
一路行我一路諗返轉頭, 我如果當時喝止佢哋會點呢
其實我可唔可以報警話佢哋虐畜
我好唔開心咁行完返屋企
同奶皮爸講咗件事, 佢話就算我喝止咗佢又點呢, 佢哋返到屋企都係一樣
人哋屋企可能有用武器添啦... 邊理得咁多喎...
但我就諗... 其實佢哋係因為狗狗曳而打定為打狗而打
就算佢真係要用體罰... 曳都係打一下咪夠囉... 做咩打咁多下呢
體罰... 真係唔好架 
俾著我, 我都唔知點做好呀? 或者會用眼睥實佢哋, 皺住睸頭, 希望佢哋會收手.
回覆刪除[版主回覆08/07/2009 22:21:00]我係咁回頭望佢哋... 但佢哋好似無知覺咁
如果加把嘴喝止, 佢咪仲變本加厲, 狗係佢既,冇法架!!! 或者你好言問佢,(你隻狗甘可愛 做乜打佢呀??? 有時狗會曳曳,原諒佢La!) 尼個效果會好D!!!
回覆刪除[版主回覆08/08/2009 11:27:00]嗯~~~ 你講得啱... 下次再見到呢啲情況真係要問下佢
不過有時火遮眼真係會打佢地...
回覆刪除[版主回覆08/09/2009 02:39:00]最多都係打一兩下啫... 佢哋唔係一兩吓就收手
咁你唔知晒成個story又唔知點出聲好~ 但如果真係好嚴重咁打, 就又唔同咁講... 我覺得有時一兩下, 嚇下都要 我bf都試過係街打, 原因係執野食, 呢個我一定好緊張, 因為呢個世界真係有人好唔like狗, 會毒狗, 同食錯野就唔好啦!
回覆刪除[版主回覆08/09/2009 21:16:00]唉... 我都唔知佢算唔算嚴重... 但聽到啲聲就好得人驚...
可能我都係嚇下佢喝下奶皮
halo..你既 麥皮同我既bb好似丫...=]]]
回覆刪除[版主回覆08/09/2009 21:16:00]真係好似樣喎