奶皮唔食糧

唔知點解麥皮同奶茶唔係好鍾意食啲糧

宜家開餐奶茶聞一聞就走

麥皮仲好笑聞一聞就係咁用個鼻頂郁個兜... 推前個兜... 推唔郁就轉個位置再頂過

玩得不知幾開心

初初都擔心佢地係唔係唔舒服... 不過過咗一排佢哋都係咁... 但又玩得瞓得

一日兩餐一定有一餐會係咁

第二餐我係覺得因為餓得滯而且通常夜晚行完街, 就會食得好快

我哋又諗佢哋係唔係唔鍾意隻糧

就因為咁我哋已經唔餵任何零食什食

平時餵零食都用糧嚟代替

用手餵當零食時佢哋又食架喎

奶皮爸問我好無係時候幫佢哋轉一餐

但其實麥皮食一餐係食唔到一日嘅份量

仲要個衰妹係餓到嘔白泡黃膽水... 以為嗰餐會食啦呱... 點知又係唔食

(之前問過醫生, 醫生話佢餓得滯先會嘔)

 

煩完呢樣嘢... 另一個問題又一直存在

以前奶茶玩嘅時候會好開心咁fing尾

但自從麥皮嚟咗之後

奶茶越嚟越少fing尾... 就算fing... 都係對住外人其他狗時fing

同我or奶皮爸玩時已經唔會fing尾... 就算玩到好雀躍...

奶皮爸好擔心... 其實奶茶係唔係無以前咁開心

我哋又可以做啲咩補救呢

有時真係幾想見返奶茶對住我哋都會係咁fing尾個樣...

加上宜家又唔食糧... 成日好似悶悶不樂咁