星期日, 我同奶皮爸出發去咗寵物用品展
到前一晚我哋都仲決定會帶兩位小朋友去
但最後礙於我哋會有嘢想買... 而且要帶埋佢哋個袋覺得好多嘢拎
所以決定唔帶佢哋去
雖然場館的確好多狗狗可以一齊玩, 但我哋走嘅時候多咗好多人&狗
臨走時我仲見到有人拖住一隻好細隻嘅poodle喺密質質嘅人群中行...
主人自己踢咗佢一腳都無感覺 
我哋都覺得如果帶埋去... 要睇住佢哋會好麻煩
而我哋呢行嘅目標係: 床仔, clicker 同頸圈
係爭咗頸圈睇唔上眼
我哋搭的士去到先知原來綠的唔可以去博覽館... 所以要喺機場轉機鐵
不過原來機場搭機鐵去博覽館係無入閘位... 我哋一度以為唔使比錢 
當然最後有買飛
我同奶皮爸都帶背囊去, 諗住買完唔使拎
好多狗狗都即場美容.... 我見到有狗狗染毛
我好雀躍咁指俾奶皮爸睇"嘩!!standard poodle呀"
奶皮爸:"唔~~~大隻得滯... 都唔靚" 
好多大狗呀.... 我仲見到獒犬, 不過無影到相
仲有一隻義工狗~金毛... 佢揹住隻松鼠... 不過行得好快影唔到相
呢個跳水台喺我臨走先開始決賽
好得人驚... 好多蛇蟲鼠議... 
走嘅時候, 得返一個出口.... 其他都封住... 因為人潮管制措施
不過就因為我哋想搵個近啲停車場嘅出口... 行咗去吸煙區(我當係)... 喺嗰度仲見到黃貫中
好彩有朋友嚟車我哋走... 因為尋日真係會熱死人 =.=
下次都係咁熱應該唔去啦...
沒有留言:
張貼留言