唔知大家有無試過...
定唔知自己有沉迷動物傳心術而導致錯覺
件事係咁嘅
因為奶皮媽我牛一放工就出咗去食飯
奶皮爸就返咗工... 奶皮兩位就困咗喺圍欄到我凌晨一點返嚟
返到嚟服待佢哋到兩點... 但我第二日仲要返工... 所以都好快熄燈瞓
平時我熄咗佢哋燈就會瞓覺... 點知尋晚熄咗燈都繼續吠
奶茶先生唔知咩事... 郁啲就吠麥皮...
麥皮坐喺廁所霸住, 唔鍾意就鬧... 自己又唔係要去
麥皮瞓床仔, 唔鍾意又鬧... 但自己又怕熱唔瞓床, 分開兩張都係咁
四五秒吠一聲... 佢又唔會連續係咁吠
喝止過... 困入細籠罰過
到三點鐘... 我覺得佢係咁真係嘈到人
而且嗰一下我意識到, 佢係發緊我脾氣
我行出去望住佢同佢講
"對唔住, 我今晚無返嚟陪到你, 我聽日帶你去玩去街街, 不過你要乖乖地唔好再嘈好唔好?"
跟住返入房熄燈瞓 (佢哋喺圍欄望到入房)
佢哋好安靜咁俾我一覺瞓天光
我會研究過傳心術，但我都好肯定佢地發緊你脾氣.....
回覆刪除[版主回覆08/29/2009 17:17:00]發脾氣呢個太明顯啦
不過最神奇係佢竟然聽我話...
我都信佢地係有人性,其實係聽得明我地講咩0既
回覆刪除[版主回覆08/29/2009 17:18:00]嗯嗯嗯~~~ 佢哋真係會聽架~~~
所以我成日同佢哋講嘢...
梗是la~唔放佢地又唔陪佢地,真是會發好大脾氣
回覆刪除[版主回覆08/30/2009 02:09:00]係lu... 但之前都無試過會發咁大脾氣
我都有試過, 夜左返屋企得個零鐘頭幫佢清潔toilet，梳毛，抹眼睛同玩左少少時間，夜晚熄燈都唔肯瞓，要再起身安撫一陣，先肯瞓咋 。
回覆刪除[版主回覆08/30/2009 22:30:00]平時都好少咁... 唔知點解今次咁樣
奶茶都好有脾氣喎.
回覆刪除[版主回覆08/30/2009 22:30:00]有少少啦~~ 不過今次特別啲
佢平時好少發我脾氣
佢地有時真係好似識聽咁架，早兩日我病到死死下，之前果幾晚多多都扭計先肯瞓，果晚佢又想扭，我同佢講我唔舒服，叫佢乖乖地比我瞓，後尾佢過黎聞一聞我，跟住就自己上床仔瞓啦..... 真係唔知咁o岩定咁橋啦！
回覆刪除[版主回覆08/31/2009 09:46:00]係咯.. 真係好鬼神奇...