又游水啦之草地篇 (1)

原本約咗番茄媽去petmax架嘛...

但最終... 奶皮爸唔想咁趕返嚟開工... 所以無出到變咗再去游水... (因為我哋真係行上去架咋)

而且呢個禮拜買咗新玩具都未用過(相機鏡頭), 今次梗係要帶埋去試下啦

今次我哋差唔多十二點已經去到... 點知個細池有人book咗party...

下次都係打去睇下有無人book咗場先... 因為開完party啲水都好濁

游得嘅時間得2-3pm... 所以我哋就喺草地玩咗好耐

正值下午時份... 個太陽先生最猛烈嘅時間

所以無玩得太過份... 我哋仲擔心佢哋會中暑.. 所以去到草地即用水淋濕佢哋個身先

不過兩位小朋友唔會自己跑嚟跑去... 所以我哋都要帶佢地去曬... (結果我哋黑咗 =.=)

坐底無耐就有一隻雪橇,一隻唐狗同一隻貴婦

隻唐狗一入到草地就係咁跑無停過... 令我諗起miffy

之後隻貴婦都跟住一齊跑... 仲追嚟追去好開心添

但奶皮好似好驚咁坐喺我哋腳邊... 郁都唔郁..

到佢哋停落嚟... 奶茶先再去同隻貴婦打下招呼...

之後嚟咗一隻迷你牧羊, 係咁吠到無停口... 初初追住奶皮吠... 嚇到兩個又匿喺櫈底

其實隻牧羊係把聲又唔係真係好粗魯

不過佢唔停嘅吠的確係幾騷擾... 佢係咩狗都會係咁吠

終於等到佢哋嘅朋友嚟到一齊去咗大池玩... 但依然都係聽到佢無停過嘅吠聲

之後再嚟一隻貴婦, 奶茶對人好太興趣... 係咁追住人嚟聞... 初時我哋都唔理佢

但後尾覺得佢跟到好騷擾... 所以都拉開奶茶...

出出入入 都好多朋友仔... 好多都係去大池玩... 但我哋一聽到吠聲...

真係不敢恭維...

 

 

出門口時係無咁熱架... 睇下佢哋條脷就知啦

 

朋友仔篇:

見到好多朋友仔... 但唔係個個都有打招呼

 

大家見唔見到奶茶呢... 其實佢好大膽咁走去聞size大自己咁多狗狗

不過人哋一聞返佢就一支箭走去

麥皮呢個八卦妹又要驚又想八... 伸到個頭最盡去聞人哋... 但四隻腳係釘實咗

終於見到隻細啲嘅... 所以就好淡定咁亙聞喇

呢個畫面嚇親麥皮... 突然咁多隻狗狗圍住自己

就係下面隻貴婦,令到奶茶先生係咁追住

人哋已經唔想理佢係咁避... 個衰仔面皮勁厚

 

合照篇:

之前同佢哋去玩... 都無咩影過佢哋今照...今次影返夠先

 

連探險都一齊去探呀